ಸೇರಿ ಸುಖಿಸುತಿರು ಮನುಜಾ ಗುರು ankita karpara narahari

ಸೇರಿ ಸುಖಿಸುತಿರು ಮನುಜಾ ಗುರು

ಮಾರುತಸುತನ ಶುಭ ಚರಣ ಸರೋಜ ಪ

ನೂರು ಯೋಜನಮಿರ್ದ ಉದಧಿ ದಾಂಟಿ

ಧಾರುಣಿಜಳಿಗೆ ಮುದ್ರಿಕೆಯಿತ್ತು ಜವದಿ

ಶ್ರೀ ರಘುವರಗೆ ವಿನಯದಿ ಕ್ಷೇಮ

ವಾರುತಿಯನು ಪೇಳಿದವನಂಘ್ರಿ ಮುದದಿ 1

ಇಂದು ಕುಲದಿ ಪಾಂಡು ನೃಪನ ಪುತ್ರ

ನೆಂದು ಕರಿಸಿ ದುಷ್ಟ ಕೌರವಾಂತಕನ

ನಂದ ನಂದನನೊಲಿಸಿದನ ದೃಪದ

ನಂದಿನಿಯಳಿಗೆ ಪುಷ್ಪವ ತಂದಿತ್ತವನ 2

ಮಧ್ಯಗೇಹ ನೆಂಬೊದ್ವಿಜನ ಗೃಹದಿ

ಮಧ್ವಾಭಿದಾನದಿ ಜನಿಸಿ ಮಾಯ್ಗಳನ

ಗೆದ್ದು ಸಚ್ಛಾಸ್ತ್ರ ರಚಿಸಿದನ ಸುಪ್ರ

ಸಿದ್ಧ ಸಿದ್ಧ ಕಾರ್ಪರ ನರಹರಿಗತಿ ಪ್ರಿಯನ 3

****