ಇಂದು ನಾನೇನು ಸುಕೃತವ ಮಾಡಿದೆನೊ
ಮಂಗಳಮಹಿಮ ವೆಂಕಟ ಬಂದ ಮನೆಗೆ ||ಪ||
ಹಾರ ಕೇಯೂರ ಹೊನ್ನುಂಗುರ ಬೆರಳ
ಹಾರದ ನಡುವೆ ಹಾಕಿದ ಏಳು ಪದಕ
ತೋರಮುತ್ತಿನ ಕಂಠಮಾಲೆ ಮಾಲಿಕೆಯ
ಮೇಲುಗಿರಿಯ ವೆಂಕಟ ಬಂದ ಮನೆಗೆ ||
ಎಸಳು ಸುತ್ತಿದ ಪಟ್ಟೆ ಎಸೆವ ಕಸ್ತೂರಿಯು
ಹಸನ ಸಣ್ಣ ನಾಮ ಸಾದೂತಿಲಕವು
ಕುಸುಮ ಮಲ್ಲಿಗೆ ಜಾಜಿ ಎಸೆವ ಸಂಪಿಗೆಯು
ವಸುಧೇಶ ಸೊಬಗ ವೆಂಕಟ ಬಂದ ಮನೆಗೆ ||
ಬಿಗಿದು ಸುತ್ತಿದ ಓಲೆ ಬಿಡು ಮುತ್ತಿನೊಂಟಿ
ಬಗೆಬಗೆಯುಂಗುರ ಧಗಧಗಿಸುತಲಿ
ಅಗಣಿತ ಹಸ್ತ ಕಂಕಣ ಹೊಳೆವುತಲಿ
ಜಗದೊಳಧಿಕನು ವೆಂಕಟ ಬಂದ ಮನೆಗೆ ||
ಪಿಡಿದ ಸುದರ್ಶನ ಎಡಗೈಯ ಶಂಖ
ಪಿಡಿದಿದ್ದ ಖಡ್ಗದಿ ಜಡರ ಮರ್ದಿಸುತ
ಉಡಿದಾರ ನಡುವೆ ಹೃದಯದೊಳು ಲಕ್ಷ್ಮೀ
ಬದವರ ಧ್ಯೇಯ ವೆಂಕಟ ಬಂದ ಮನೆಗೆ ||
ಬಾಲಚಂದ್ರನ ಪೋಲ್ವ ಓಲೆಕುಂಡಲವು
ಮೇಲು ಮಾಣಿಕ್ಯ ನವರತ್ನದುಂಗುರವು
ಕಾಲಲಂದುಗೆಯು ನವರತ್ನದ್ಹಾವುಗೆಯು
ಮೇಲುಗಿರಿವಾಸ ವೆಂಕಟ ಬಂದ ಮನೆಗೆ ||
ಇಂದಿರೆರಮಣ ನೀ ಎನ್ನ ಕುಲ ತಿಲಕ
ನಂದನ ಕಂದ ಮುಕುಂದ ಗೋವಿಂದ
ಬಂದೆನ್ನ ಪಾಪದ ಬಂಧನ ಪರಿಹರಿಸೊ
ಕಂದರ್ಪಜನಕ ವೆಂಕಟ ಬಂದ ಮನೆಗೆ ||
ಪಾಷಾಣರೂಪದ ಅಹಲ್ಯಾ ಶಾಪವನು
ಶೋಷಣೆ ಮಾಡಿದ ಸೊಬಗು ರೂಪಿನಲಿ
ಶೇಷಾಚಲಧೀಶ ಮಹಶೇಷಶಯನ
ದಾಸಪಾಲಕನು ವೆಂಕಟ ಬಂದ ಮನೆಗೆ ||
ಹೊಳೆವ ಪೀತಾಂಬರ ಉಡುಗೆ ಕಠಾರಿ
ಹೊಳೆವ ಕಂಗಳ ನೋಟ ಹೊಸ ಪಂಚಬಾಣ
ವೀಳ್ಯದ ಬಾಯ ಕರ್ಪೂರ ಕರಡಿಗೆಯು
ಚೆಲುವ ಶರೀರ ವೆಂಕಟ ಬಂದ ಮನೆಗೆ ||
ಗರುಡನನೇರಿ ಮೂಜಗವ ಮೋಹಿಸುತ
ಪರಮವೈಷ್ಣವರ ಪಾವನವ ಪಾಲಿಸುತ
ಪರಿಪರಿಯ ತನ್ನ ಬಿರುದ ಪೊಗಳಿಸುತ
ಪುರಂದರವಿಠಲ ವೆಂಕಟ ಬಂದ ಮನೆಗೆ ||
***
pallavi
indu nAnEnu sukrtava mADidenO mangaLa mahima venkaTa banda manege
caraNam 1
hAra kEyura honnungura beraLa hArada naDuve hAkida Elu padaka
tOra muttina kaNDamAle mAlikeya mElugiriya vEnkaTa banda manege
caraNam 2
esaLu suttida paTTe eseva kastUriyu hasana saNNa nAma sAdU tilakavu
kusuma mallige jAji eseva sampigeyu vasudEsha sobaga vEnkaTa banda manege
caraNam 3
bigidu suttida Ole biDu muttinoNTi bage bageyungura dhagadhagi sutali
agaNita hasta kankaNa hoLevutali jagadoLadhikanu venkaTa banda manege
caraNam 4
piDida sudarshana eDa kaiya shankha piDididda khaDgadi jaDara mardisuta
uDidAra naDuve hrdayadoLu lakSmI baDavara dhyEya vEnkaTa banda manege
caraNam 5
bAla candrana pOlva Ole kuNDalavu mElu mANikya nava ratnadunguravu
kAlalandugeyu nava ratnad-hAvigeyu mElugiri vAsa vEnkaTa banda manege
caraNam 6
indire ramaNa nI enna kula tilaka nandana kanda mukunda gOvinda
bandenna pApa bandhana parihariso kandarpa janaka vEnkaTa banda manege
caraNam 7
pASANa rUpada ahalyA shApavanu shOSaNa mADida sobagu rUpinali
shESAcalAdhIsha mahEshaSa shayana dAsa pAlakanu vEnkaTa banda manege
caraNam 8
hoLeva pItAmbara uDuge kaThAri hoLeva kangaLa nODa hosa panca bANa
vILyada bAya karpurada karaDigeyu celuva sharIra vEnkaTa banda manege
caraNam 9
garuDananEri mU-jagava mOhisuta parama vaiSNavara pAvanava pAlisuta
pari pariya tanna biruda pogaLisuta purandara viTTala vEnkaTa banda manege
***
