ಕುದುರೆಯ ಕಂಡೀರಾ ಬಿಳಿ ಕುದುರೆ ankita hayavadana

ಕುದುರೆಯ ಕಂಡೀರಾ/ಬಿಳಿ ಕುದುರೆ ಯಾ ಕಂಡೀರಾ//

ವಾದಿರಾಜರಿಗೆ ಒಲಿದು ಬಂದು
ಸೋದೆಯ ಪುರದಲಿ ನಿಂತಾ ಕುದುರೆ/

ಕುದುರೆ ಕಂಡೀರಾ ಬಿಳಿ ಕುದುರೆ ಯಾ ಕಂಡೀರಾ//ಪ//

ಕುದುರೆ ಕಂಡೀರಾ ಬಿಳಿ ಕುದುರೆ ಯಾ ಕಂಡೀರಾ

ಮಧ್ವರಾಯರಿಗೆ ಒಲಿದಾ ಕುದುರೆ /
ವಾದಿರಾಜರ ಪೊರೆವಾ ಕುದುರೆ

ಸೋದೆಯಪುರದಲಿ ನಿಂತಾ ಕುದುರೆ
ಮೋದದಿಂದಲಿ ನಲಿವಾ ಕುದುರೆ//ಕುದುರೆ ಕಂಡೀರಾ//೧//

ಮಂದರಗಿರಿಯನೆತ್ತಿದ ಕುದುರೆ
ಚಂದಿರನಂತೆ ಪೊಳೆವಾ ಕುದುರೆ/
ಇಂದಿರಾದೇವಿಯನಪ್ಪಿದ ಕುದುರೆ
ಬಂದಿರ ನರರಿಗೆ ಬೆದರದ ಕುದುರೆ//೨//

ಸುರರಿಗೆ ಅಮೃತವನಿತ್ತಾ ಕುದುರೆ
ನರನೂ ರಥವನೇರಿದ ಕುದುರೆ
ಸ್ವರವಾ ತಾ ತಾ ಎನಿಪಾ ಕುದುರೆ
ಸುರತರು ಭೂಮಿಗೆ ತಂದಾ ಕುದುರೆ//೩//

ಕಡಲೇ ಹೂರಣವಾ ಮೆಲುವಾ ಕುದುರೆ
ಸುಂದರ ಪುರದೊಳು ಮೆರೆವಾ ಕುದುರೆ
ಪುಂಡಲೀಕ ನಿಗೆ ಒಲಿದಾ ಕುದುರೆ
ಪಾಂಡವರನ್ನ ಪೊರೆದಾ ಕುದುರೆ//೪//.

ರಾಜನಾಥನಾ ನೆನೆವಾ ಕುದುರೆ
ವಾಜಿವದನನ ನೆನೆವಾ ಕುದುರೆ
ಕಂಜಶೃತಿಗೆ ಶೃತಿ ಯಾಗುವ ಕುದುರೆ
ಕಂಜನಾಥನ ಹಯವದನನ ಕುದುರೆ//೫/

ಕುದುರೆ ಕಂಡೀರಾ ಬಿಳಿ ಕುದುರೆ ಯಾ ಕಂಡೀರಾ
ವಾದಿರಾಜ ರಿಗೆ ಒಲಿದು ಬಂದು
ಸೋದೆಯ ಪುರದಲಿ ನಿಂತಾ ಕುದುರೆ//
ಕುದುರೆಯ ಕಂಡೀರಾ ಬಿಳಿ ಕುದುರೆ ಯಾ ಕಂಡೀರಾ//.

//ಶ್ರೀ ಲಕ್ಷ್ಮೀ ಹಯಗ್ರೀವಾಯ ನಮಃ//
ಶ್ರೀ ಹರಿ ಸಮರ್ಪಣೆ.
**********