ಗೋಪಗೋಪನೆಂಬ ಕೋಗಿಲೆ ನಮ್ಮ
ಶ್ರೀಪತಿಯ ಕಂಡರೆ ಬರಹೇಳೆ ಕೋಗಿಲೆ ||ಪ||
ಮಧುಮಾಸದಿ ಮಾಧವ ಬರಲು
ಸುದತಿಯರು ಸಮ್ಮೇಳದಿಂದಲಿ
ಒದಗಿ ವಸಂತದಲ್ಲಾಡುವ ಸಮಯದಿ
ಪದುಮನಾಭನ ಕಂಡರೆ ಬರಹೇಳೆ ಕೋಗಿಲೆ ||೧||
ಅಂಗಜನಯ್ಯನ ಅಗಣಿತನ
ಮಂಗಳ ಮಹಿಮನ ಮೂರುತಿಯಾ
ಸಂಗೀತ ಸೊಬಗಿನ ಸೊಲ್ಲು ನುಡಿಯಲಿ
ರಂಗನ ಕಂಡರೆ ಬರಹೇಳೆ ಕೋಗಿಲೆ ||೨||
ಇಟ್ಟಾಡುವ ಶೃತಿಕೃತಿಗಳಾ
ಬಟ್ಟೆಯ ಕಾಣೆವು ಪರಬೊಮ್ಮನ
ಸೃಷ್ಟಿಯೊಳಗೆ ನಮ್ಮ ಪುರಂದರ ವಿಠಲನ
ಥಟ್ಟನೆ ಕಂಡರೆ ಬರಹೇಳೆ ಕೋಗಿಲೆ ||೩||
***
gOpagOpaneMba kOgile namma
shrIpatiya kaMDare barahELe kOgile ||pa||
madhumaasadi maadhava baralu
sudatiyaru sammELadiMdali
odagi vasaMtadallaaDuva samayadi
padumanaabhana kaMDare barahELe kOgile ||1||
aMgajanayyana agaNitana
maMgaLa mahimana mUrutiyaa
saMgIta sobagina sollu nuDiyali
raMgana kaMDare barahELe kOgile ||2||
iTTADuva shRutikRutigaLaa
baTTeya kaaNevu parabommana
sRuShTiyoLage namma puraMdara viThalana
thaTTane kaMDare barahELe kOgile ||3||
***
ಗೋಪಗೋಪನೆಂಬಾ ಕೋಗಿಲೆ ನಮ್ಮಶ್ರೀಪತಿಯ ಕಂಡರೆ ಬರಹೇಳೆ ಕೋಗಿಲೆ ಪ
ಕೆಂಗಾವಳೆಯಾಲೆದಲಿ (?) ಪಾಂಡುರಂಗಮಂಗಳ ಮೂರುತಿಪ್ಪಶೃಂಗಾರವಾದ ಸುರತರುವಿನ ನೆರಳೊಳುರಂಗನಾಥನ ಕಂಡರೆ ಬರಹೇಳೆ ಕೋಗಿಲೆ 1
ಮಧುಮಾಸದಲಿ ಮಾಧವನಿರಲುಚದುರೆ ಗೋಪಿಯರಸ ಮೇಳದಲ್ಲಿಮುದದಿ ವನಂತರನಾಡುವ ಭರದಿಂದಪದುಮನಾಭನ ಕಂಡರೆ ನೀ ಬರಹೇಳೆ 2
ಅಟ್ಟಿ ಅರಸುವ ಶ್ರ್ರುತಿಗಳಿಂದ ಸುಖಬಿಟ್ಟೆವೆಂದರವ ಪರಬ್ರಹ್ಮಸೃಷ್ಟಿಯೊಳು ಉಡುಪಿನ ಹಯವದನ ಸ್ವಾಮಿಯದೃಷ್ಟಿಲಿ ಕಂಡರೆ ಬರಹೇಳೆ ಕೋಗಿಲೆ3
***
