ಶ್ರೀ ಬ್ರಹ್ಮಣ್ಯತೀರ್ಥರ ವೈಭವ by ಶ್ರೀ ಏರಿ ಶೇಷಾಚಾರ್ಯರ ಮಕ್ಕಳಾದ ಶ್ರೀ ಏರಿ ವೆಂಕಟೇಶಾಚಾರ್ಯರು
ರಾಗ : ಕಾಂಬೋಧಿ ತಾಳ : ಝಂಪೆ
ನಿನ್ನ ಸೇವಿಸೆ ಬಂದೆ ನಾನು ।
ಯನ್ನ ಪೋಷಿಸಬೇಕೋ
ಗುರುವರ್ಯ ನೀನು ।। ಪಲ್ಲವಿ ।।
ಚಂದ್ರಿಕಾಚಾರ್ಯ ಪೂಜಿತನೆ ।
ಚಂದ್ರವಾದನ ಸುಜ್ಞಾನ ಭೂಷಿತನೆ ।
ಇಂದ್ರಾದಿ ವಂದ್ಯ ಪೂಜಿಪನೆ ।
ಇಂದೆನ್ನ ಕಾಯೋ
ಸತ್ಕರುಣಾಸಾಗರನೆ ।। ಚರಣ ।।
ಖಾಸ ಕುಷ್ಠ ನೇತ್ರ ರೋಗ ।
ಬ್ಯಾಸರದೆ ಕಳೆದು ಕಾಯ್ದೆ ನೀ ಬೇಗ ।
ವ್ಯಾಸ ಸೇವನ ಲಬ್ದ ಯೋಗ ।
ಶ್ರೀಶನ್ನ ತೋರಿಸೋ
ಸುಜ್ಞಾನ ಪೂಗ ।। ಚರಣ ।।
ಏರಿ ಶೇಷಾರ್ಯ ತನುಜರು ।
ತೋರಿದ ಬ್ರಹ್ಮಣ್ಯ
ಗುರೋ ನಿಮ್ಮ ಚರಣ ।
ವಾರಿಸಿ ಬಹು ತಾಪಗಳನು ।
ಧೀರ ನೆನಿಸಬೇಕೋ
ಸದ್ಗುರುರನ್ನ ।। ಚರಣ ।।
****
ಈ ಪದದಲ್ಲಿ " ಇಂದ್ರಾದಿ ವಂದ್ಯ ಪೂಜಿಪನೆ " ಎಂಬ ಪದವನ್ನು ಶ್ರೀ ಏರಿ ಶೇಷಾಚಾರ್ಯರ ಮಕ್ಕಳಾದ ಶ್ರೀ ಏರಿ ವೆಂಕಟೇಶಾಚಾರ್ಯರು ಪ್ರಯೋಗಿಸಿದ್ದಾರೆ.
ಅದರ ಅರ್ಥ ಹೀಗಿದೆ...
ಇಂದ್ರಾದಿ ದೇವತೆಗಳಿಂದ ಸುತ್ಯನೂ - ನಮಸ್ಕೃತನೂ ಆದ ಶ್ರೀ ಹರಿಯನ್ನು ಪೂಜಿಪನೆ -
ಎಂದು ಶ್ರೀ ಬ್ರಹ್ಮಣ್ಯತೀರ್ಥರನ್ನು ಸ್ತುತಿಸಿದ್ದಾರೆ.
