ನೀಲ ಘನ ನೀಲ ಜೋ ಜೋ, ಕುರುಣಾಲವಾಲ ಶ್ರೀ ಕೃಷ್ಣ ಜೋ ಜೋ
ಲೀಲಾವತಾರ ಜೋ ಜೋ, ಪರಮಾತ್ಮ ಬಾಲ ಗೋಪಾಲ ಜೋ ಜೋ ||
ಇಂದುಧರ ಮಿತ್ರ ಜೋ ಜೋ, ಪರಮಾತ್ಮ, ಇಂದುರವಿ ನೇತ್ರ ಜೋ ಜೋ
ಇಂದುಕುಲ ರತ್ನ ಜೋ ಜೋ, ಪರಮಾತ್ಮ, ಇಂದಿರಾರಮಣ ಜೋ ಜೋ ||
ಆಶ್ಚರ್ಯ ಜನಕವಾಗಿ, ನಿರ್ಮಿಸಿದ, ಪಚ್ಚೆಯಾ ತೊಟ್ಟಿಲಲ್ಲಿ
ಅಚ್ಯುತಾನಂತನಿರಲು, ತೂಗಿದರು, ಮತ್ಸ್ಯಾವತಾರ ಹರಿಯ ||
ಧರ್ಮ ಸಂಸ್ಥಾಪನೆಂದು, ನಿರವಧಿಕ, ನಿರ್ಮಲಚರಿತನೆಂದು
ವರ್ಮ ಕರ್ಮಗಳ ತಿಳಿದು, ತೂಗಿದರು, ಕೂರ್ಮಾವತಾರ ಹರಿಯ ||
ಸರಸಿಜಾಕ್ಷಿಯರು ಎಲ್ಲ, ಜನವಶ್ಯಕರ ದಿವ್ಯ ರೂಪನೆಂದು
ಪರಮ ಹರ್ಷದಿ ಪಾಡುತ, ತೂಗಿದರು ವರಹಾವತಾರ ಹರಿಯ ||
ಕರಕುಂಭಗಳು ಪೋಲುವ ಕುಚದಮೇಲ್ ಹಾರ ಪದಕವು ಹೊಳೆಯಲು
ವರ ವರ್ಣಿನಿಯರು ಕೂಡಿ ತೂಗಿದರು, ನರಸಿಂಹ ರೂಪ ಹರಿಯ ||
ಭಾಮಾ ಮಣಿಯರೆಲ್ಲ, ಜಗದೊಳಗೆ ಸೋಮನಿವನೆಂದು ಹೊಗಳಿ
ನೇಮದಿಂದಲಿ ಪಾಡುತ ತೂಗಿದರು, ವಾಮನ ರೂಪ ಹರಿಯ ||
ಸಾಮಜವರದನೆಂದು ಅತುಳ ಭೃಗು ರಾಮಾವತಾರನೆಂದು
ಪ್ರೇಮದಿಂದಲಿ ಪಾಡುತ ತೂಗಿದರು, ಭಾರ್ಗವ ರೂಪ ಹರಿಯ ||
ಕಾಮಿನಿಯ ಕಾಮನೆಂದು, ಸುರಸಾರ್ವಭೌಮ ಗುಣಧಾಮನೆಂದು
ವಾಮ ನೇತ್ರಿಯರು ಪಾಡಿ ತೂಗಿದರು, ರಾಮಾವತಾರ ಹರಿಯ ||
ಸೃಷ್ಟಿಯಾ ಕರ್ತನೆಂದು ಜಗದೊಳಗೆ ದುಷ್ಟ ಸಂಹಾರನೆಂದು
ದೃಷ್ಟಾಂತರಹಿತನೆಂದು ತೂಗಿದರು, ಕೃಷ್ಣಾವತಾರ ಹರಿಯ ||
ವೃದ್ಧ ನಾರಿಯರು ಯೆಲ್ಲ ಜಗದೊಳ್ ಪ್ರಸಿದ್ಧನಿವನೆಂದು ಹೊಗಳಿ
ಬದ್ಧಾನುರಾಗದಿಂದ ತೂಗಿದರು, ಬೌದ್ಧಾವತಾರ ಹರಿಯ ||
ಝಣ ಝಣತ್ಕಾರದಿಂದ ರಂಜಿಸುವ ಮಲಯಜಾಲೇಪದಿಂದು
ಕುಸುಮ ಗಂಧಿಯರು ಕೂಡಿ ತೂಗಿದರು, ಕಲ್ಕ್ಯಾವತಾರ ಹರಿಯ ||
ತುಂಗ ಭವ ಭಂಗ ಜೋ ಜೋ, ಶ್ರೀ ಕೃಷ್ಣ, ಮಂಗಳಾಪಾಂಗ ಜೋ ಜೋ,
ರಂಗ ಶ್ರೀ ಪಾಂಗ ಜೋ ಜೋ, ಪರಮಾತ್ಮ ರಂಗ-ವಿಠ್ಠಲನೆ ಜೋ ಜೋ ||
***
nIla ghana nIla jO jO, kuruNaalavaala shrI kRuShNa jO jO
lIlaavataara jO jO, paramaatma baala gOpaala jO jO ||
iMdudhara mitra jO jO, paramaatma, iMduravi nEtra jO jO
iMdukula ratna jO jO, paramaatma, iMdiraaramaNa jO jO ||
aaScharya janakavaagi, nirmisida, paccheyaa toTTilalli
achyutaanaMtaniralu, tUgidaru, matsyaavataara hariya ||
dharma saMsthaapaneMdu, niravadhika, nirmalacharitaneMdu
varma karmagaLa tiLidu, tUgidaru, kUrmaavataara hariya ||
sarasijaakShiyaru ella, janavashyakara divya rUpaneMdu
parama harShadi paaDuta, tUgidaru varahaavataara hariya ||
karakuMbhagaLu pOluva kuchadamEl haara padakavu hoLeyalu
vara varNiniyaru kUDi tUgidaru, narasiMha rUpa hariya ||
bhaamaa maNiyarella, jagadoLage sOmanivaneMdu hogaLi
nEmadiMdali paaDuta tUgidaru, vaamana rUpa hariya ||
saamajavaradaneMdu atuLa bhRugu raamaavataaraneMdu
prEmadiMdali paaDuta tUgidaru, bhaargava rUpa hariya ||
kaaminiya kaamaneMdu, surasaarvabhouma guNadhaamaneMdu
vaama nEtriyaru paaDi tUgidaru, raamaavataara hariya ||
sRuShTiyaa kartaneMdu jagadoLage duShTa saMhaaraneMdu
dRuShTaaMtarahitaneMdu tUgidaru, kRuShNaavataara hariya ||
vRuddha naariyaru yella jagadoL prasiddhanivaneMdu hogaLi
baddhaanuraagadiMda tUgidaru, bouddhaavataara hariya ||
jhaNa jhaNatkaaradiMda raMjisuva malayajaalEpadiMdu
kusuma gaMdhiyaru kUDi tUgidaru, kalkyaavataara hariya ||
tuMga bhava bhaMga jO jO, shrI kRuShNa, maMgaLaapaaMga jO jO,
raMga shrI paaMga jO jO, paramaatma raMga-viThThalane jO jO ||
***
