ಬಾರಯ್ಯ ಬಾರೈಯ್ಯಾ ಭಾರತಿ ಚಿತ್ತ ಚಕೋರ ಶಶಾಂಕಾ ankita shyamasundara

 ..

ಬಾರೈಯ್ಯಾ ಬಾರೈಯ್ಯಾ

ಭಾರತಿ ಚಿತ್ತ ಚಕೋರ ಶಶಾಂಕಾ ಪ

ಹೇಸಿ ಸಂಸಾರದ ಕ್ಲೇಶ ಕಳೆದು ತವ

ದಾಸ ಜನರ ಸಹವಾಸವ ನೀಡಲು 1

ಹನುಮ ಭೀಮ ಮುದ | ಮುನಿವರ ಹರಿಪದ

ನೆನೆಯುವ ಭಾಗ್ಯವ | ಅನುದಿನ ಗರೆಯಲು 2

ವಾತಜ ನಿನ್ನಯ ದೂತರು ನಾವೈ

ಪಾತಕ ಭೀತಿಯ | ಪ್ರೀತಿಲಿ ಬಿಡಿಸಲು 3

ಭಾವ ಭಕ್ತಿಯಲಿ | ಸೇವಿಪರಿಗೆ ಸುಖ |

ವೀವ ದೇವಗುರು | ಛಾವಣಿ ನಿಲಯಾ 4

ತಂದೆ ನೀನೊಲಿದರೆ | ನಂದಜ ಶಾಮ

ಸುಂದರ ಸಲಹುವನೆಂದು ಪ್ರಾರ್ಥಿಪೆವು 5

***