ಕಂಡೆ ನಾನು ಮಂಡಲದೊಳು ಕಂಡೆ ನಾನು ankita janardhana vittala

 ರಾಗ -: ತಾಳ -

ಕಂಡೆ ನಾನು ಮಂಡಲದೊಳು ಕಂಡೆ ನಾನು l

ಕಂಡೆ ನಾನು ಪುರಂದರದಾಸರ l

ತೊಂಡರ ಪಾದಕ್ಕೆ ತೊಂಡನೆನಿಪ ll ಪ ll 

ಪಾಕಶಾಸನಾದಿನೇಕ ದೇವರುಗಳ l

ಆ ಕ್ರಮ ತಿಳಿದಂಥ ಲೋಕೇಶನವರ ll ೧ ll

ಪಂಚಭೇದಾರ್ಥವ ಹಂಚಿಕೆ ಬಲ್ಲಂಥ 

ಪಂಚಬಾಣನೈಯ್ಯನಂಚು ಸೇರಿದರ ll ೨ ll

ವಿಶ್ವ ತೈಜಸ ಪ್ರಾಜ್ಞ ಮೂರು ರೂಪಂಗಳು

ನಿಶ್ಚಲದಲಿ ಹೃದಯ ನಿಮ್ನದಲಿನೋಳ್ಪರ ll ೩ ll

ಭಕ್ತರ ಉಕ್ತಿಗಾಸಕ್ತರಾಗಿ ಇನ್ನು 

ಮುಕ್ತಿಯು ಕೊಡುವ ಮುಕುಂದನ್ನ ಹೊಂದಿದರ ll ೪ ll

ದಾಸ ವಿಜಯರನು ಲೇಸಾಗಿ ಭಜಿಸೆಂದ

ಭಾಸುರ ವೇಣು ಶ್ರೀದಾಸರಂಘ್ರಿಯನು ll ೫ ll

ಹಿಂದಿನ ಪಾಪದದಂದುಗ ಪರಿಸೆನ್ನ l

ಮುಂದ ಮುಕ್ತಿಯ ತಂದು ಕೊಡುವರ ll ೬ ll

ಪರಮ ಕರುಣಿ ಜನಾರ್ದನವಿಟ್ಠಲನ್ನ 

ಕುರುಹ ತೋರಿ ಹರಿಪುರದೊಳಿರುವರ ll ೭ ll

***