ಬಾರೋ ಬೇಗನೆ ಶ್ರೀಧರ ಗುಣಾಕರ ಪ
ಬಾರೋ ಬೇಗನೆ ಪಾದವಾರಿಜಕೆರಗುವೆ
ಧಾರುಣಿಯನು ಪೊತ್ತ ಚಾರು ಪರಿಯಂಕಕ್ಕೆಅ.ಪ
ಶೌರಿ ಅಗ್ರಜನಾಗಿ ಕ್ರೂರರ ಸದೆದು ಭೂ
ಭಾರವನಿಳುಹಿದ ಶೌರ್ಯದ ಮಂಚಕೆ1
ರಾಮನ ಶೇವಿಸಿ ಪ್ರೇಮವನು ಪಡೆದಂಥ
ಸೌಮಿತ್ರಿಯೆಂಬ ಸುನಾಮದ ಹಾಸಿಗೆಗೆ 2
ಸಾಸಿರವದನದಿ ಶ್ರೀಶನೆ ತವಗುಣ
ಲೇಶ ವರ್ಣಿಸುವಂಥ ಭಾಸುರ ತಲ್ಪಕೆ 3
ಇಂದಿರದೇವಿಯು ನಿಂದಿರುವಳು ತವ
ಸುಂದರ ಚರಣಾರವಿಂದವ ತೋರಿಸು 4
ಶರಣರ ಪೊರೆವ ಕಾರ್ಪರನರಶಿಂಹನೆ
ಹರಗೆ ಭೂಷಣವಾದ ಉರಗಪರ್ಯಂಕಕೆ5
***
