ದಾಸನೆನಿಸು ಜೀಯಾ ಶ್ರೀ ವರದೇಶ ankita varadesha vittala varadendra teertha ankita pradhana stutih

 ..

kruti by ವರದೇಶ ವಿಠಲರು varadesha vittala dasaru

ದಾಸನೆನಿಸು ಜೀಯಾ ಶ್ರೀ ವರದೇಶ ವಿಠಲರಾಯಾ

ದಾಸರಥಿಯೆ ಯನ್ನಾಶೆ ತಳೆದು ನಿರ್ದೋಷನೆನಿಸಿ

ಬಹು ಮೀಸಲು ಮನವಿತ್ತು ಪ

ವರದೇಂದ್ರರ ಆಜ್ಞಾದಿಂದಲಿ

ಗುರುವರ ಮಹಾಪ್ರಾಜ್ಞಾ

ವರದೇಶ ವಿಠಲೆಂಬ ಗುರುತಿನ ಮುದ್ರಿಕೆ

ಪರಮ ಪಾಮರಗೆ ತ್ವರ ಕರುಣಿಸಿದಕೆ 1

ಜ್ಞಾನ ಶೂನ್ಯ ನಾನು ಸರ್ವದ

ಹೀನ ವಿಷಯ - ರತನು

ವಾನರನ ತರದಿ ಮಾಣಿಕೆಂಬ ತೆರ

ಹೀನನೆನಿಸದಲೆ ಪೋಣಿಸು ಸನ್ಮತಿ2

ಏಸು ಪೇಳಲಿನ್ನಾ ಶ್ರೀ ವರ-

ದೇಶ ವಿಠಲ ನಿನ್ನಾ

ದಾಸರ ವಚನಕೆ ದೋಷ ಬಾರದಂತೆ

ಲೇಸು ಭಕುತಿ ಜ್ಞಾನ ದಾಸ್ಯವಿತ್ತು ತವ 3

***