ನೀ ಪಾಲಿಸೋ ಗುರುರಾಯ ಎನ್ನ ಕಾಪಾಡೀಗ ಮಹರಾಯ ankita gurujagannatha vittala NEE PAALISO GURURAYA ENNA KAAPAADEEGA MAHARAYA

ನೀ ಪಾಲಿಸೋ ಗುರುರಾಯ ಎನ್ನ

ಕಾಪಾಡೀಗ ಮಹರಾಯ ಪ

ಭೂಪತಿ ನೀ ಎನ್ನ ಆಪದ್ಭಾಂಧವ

ಶ್ರೀ - ಪತಿ - ಪದ - ಪ್ರಿಯ ಈ ಪರಿ ಮಾಡದೆ ಅ.ಪ

ಪಾಪಿಗಳೊಳಗೆ ಹಿರಿಯನು ನಾ

ನಿಷ್ಪಾಪಿಗಳರಸೆ ಗುರುರಾಯ

ಅಪಾರ - ಜನುಮದಿ ಬಂದಿಹ

ತಾಪತ್ರಯವ ಕಳಿ ಮಹರಾಯಾ 1

ನೀಚರ ಒಳಗೆ ನೀಚನೊ ಪಾಪ -

ಮೋಚನೆ ಮಾಡೋ ಗುರುರಾಯ

ಯೊಚನೆ ಇಲ್ಲದೆ ಅನ್ಯರ ಅನುದಿನ

ಯಾಚಿಸಿ ಕೆಟ್ಟೆನೊ ಮಹರಾಯಾ 2

ದೀನರ ಒಳಗೆ ದೀನನು ನಾನೈ

ದಾನಿಗಳರಸೇ ಗುರುರಾಯ

e್ಞÁನವು ಇಲ್ಲದೆ ನಾನು ನನ್ನದೆಂದು

ಹೀನ ಮತ್ಯಾದೆನೊ ಗುರುರಾಯ 3

ಅನ್ನವು ಇಲ್ಲದೆ ಅನ್ಯರ ಮನೆಯಲಿ

ಕುನ್ನಿಯಾದೆನೋ ಗುರುರಾಯ

ನಿನ್ನನೆ ನಂಬಿ ಅನ್ಯರ ಬೇಡೊದು

ಘನ್ನತಿ ನಿನಗೆ ಮಹರಾಯಾ 4

ದಾತನೆ ನಿನ್ನಾ ಪೋತನು ನಾನೀ -

ರೀತಿಯ ಮಾಳ್ಪರೆ ಗುರುರಾಯ

ನೀತ ಗುರು ಜಗನ್ನಾಥ ವಿಠಲ ಪದ

ದೂತನು ನೀನೆ ಮಹರಾಯಾ 5

***