ಸ್ಮರಿಸಿ ಬದುಕಿರೋ ಶ್ರೀಪಾದರಾಜರಾ ankita lakshmeesha vittala sripadaraya stutih

ಸ್ಮರಿಸಿ ಬದುಕಿರೋ ಶ್ರೀಪಾದರಾಜರಾ |
ಕಷ್ಟ ಕಳೆದು ಇಷ್ಟವ ಕೊಡುವ ದಿವ್ಯ ಪಾದರಾ || ಪ ||

ದಾಸಕೂಟದಿ ಅಗ್ರಗಣ್ಯರೆನಿಪರ |
ದಿಟದಿಂದಲಿ ಭವಸಾಗರ ದಾಟಿಸುವರಾ || ೧ ||

ಜ್ಞಾನದಾಯಕರ ಭವ್ಯ ಭೋಜನ ಭೋಕ್ತರ |
ಕೀರ್ತಿವಂತರ ಅನೇಕ ಮಹಿಮದಾಂತರ || ೨ ||

ಅಲವಭೋದರ ಮತದಿ ಸುಲಭ ಚಂದಿರ |
ಭಜಿಪ ಭಕ್ತರ ಭಯವ ಪರಿಹರಿಸುವರ || ೩ ||

ಮುಖ್ಯದ್ವಾರದಿ ಇದ್ದ ರಂಗ ವಿಠ್ಠಲನ |
ಅಂತರಂಗದಿ ಮಹಾ ಮಂಗಳಾಂಗನಾ || ೪ ||

ಲೆಖ್ಖವಿಲ್ಲದೇ ಪೃಥ್ವಿ ತಿರುಗಿಬಂದರೂ |
ವ್ಯರ್ಥವಲ್ಲದೇ ಗುರು ಭಕ್ತಿ ದೊರೆಯದು || ೫ ||

ದಾಸರಾದರೆ ಮಾತ್ರ ಸೂಸಿ ಕಾಯುವ |
ಲಕ್ಷ್ಮೀಶ ವಿಠ್ಠಲನ ತಂದು ಅಂದೆ ತೋರುವ || ೬ ||
********