ಯಾಕೆ ಕಕುಲಾತಿ ಪಡುವೆ ಎಲೆ ಮರುಳೆ ||ಪ||
ಲೋಕ ಮೂರನು ಆಳ್ವ ಶ್ರೀನಿವಾಸನು ನಮ್ಮ
ಸಾಕಲಾರದೆ ಬಿಡುವನೆ ಮರುಳೆ ||ಅ||
ಕಲ್ಲುಪಡೆಯಲ್ಲಿ ಹುಟ್ಟಿರುವ ಮಂಡೂಕಕೆ
ಅಲ್ಲಿ ತಂದಿಡುವರಾರೋ
ಎಲ್ಲವನು ತೊರೆದಿರುವ ಅರಣ್ಯವಾಸಿಯನು
ಅಲ್ಲೆ ಸಲಹದೆ ಬಿಡುವನೆ ಮರುಳೆ ||
ಅಡವಿಯೊಳು ಹುಟ್ಟುವ ಮೃಗಜಾತಿಗಳಿಗೆಲ್ಲ
ಬಿಡದೆ ತಂದಿಡುವರಾರೋ
ಗಿಡದಿಂದ ಗಿಡಗಳಿಗೆ ಹಾರುವ ಪಕ್ಷಿಗೆ
ಪಡಿಯನಳೆಯದೆ ಬಿಡುವನೇ ಮರುಳೆ ||
ಎಂಭತ್ತನಾಲ್ಕು ಲಕ್ಷ ರಾಶಿಗಳನ್ನು
ಇಂಬಾಗಿ ಸಲಹುತಿಹನು
ನಂಬು ಶ್ರೀಪುರಂದರವಿಠಲನ ಚರಣವನು
ನಂಬಿದರೆ ಸಲಹದಿಹನೇ ಮರುಳೆ ||
****
ರಾಗ ಕಲ್ಯಾಣಿ ಅಟತಾಳ (raga, taala may differ in audio)
pallavi
yAke kakulAdi paduve ele maruLe
anupallavi
lOka mUranu Alva shrInivAsanu namma sAkalArade biDuvane maruLe
caraNam 1
kallupaDeyalli huTTiruva maNDUkake alli tandiDuvarArO
ellavanu torediruva araNyavAsiyanu alle salahade biDuvane maruLe
caraNam 2
aDaviyoLu huTTuva mrga jAtigaLigella biDade tandiDuvarArO
giDadinda giDagaLige hAruva pakSige paDiyananeLade biDuvanE maruLe
caraNam 3
embhatta nAlgu lakSa rAshigaLannu imbAgi salahutihanu
nambu shrI purandara viTTalana caraNavanu nambidare salahadihane maruLe
***
