ಮಲಗು ಮಲಗೆಲೊ ಸುಮ್ಮನೆ ಸುಕುಮಾರ ankita prasanna

ಮಲಗು ಮಲಗೆಲೊ ಸುಮ್ಮನೆ ಸುಕುಮಾರ
ಚೆಲುವ ಜೋಗುಳವ ಪಾಡುವೆ ಗೋಪಾಲ ||ಪ||

ಲಲನಾಮಣಿಯರು ಸುಲಭದಿ ನಿನ್ನನು
ಕಲಭಾಷಣದಿಂದ ಸೆಳೆಯ ಬಯಸುತಿಹರೋ ||ಅ.ಪ||

ಭೋಗಿಶಯನ ಹರಿ ಈ ಜಗದೊಳಗೆ
ಈಗ ಬಂದಿರುವ ಜಾಗವನರಿಯದೆ
ಯೋಗಿ ಜನರು ಅನುರಾಗದಿಂದ ನಿನ್ನ
ಸಾಗಿಸಲಿರುವರೊ ಕೂಗದೆ ಸುಖದಲಿ ||1||

ದುರುಳ ಶಕಟನನು ಮುರಿದ ಕೋಮಲದ
ಚರಣ ಕಮಲಗಳು ಉರಿಯುತಲಿದ್ದರು
ಮರೆಯಲದನು ಸುವಿನೋದವೀಯುವ
ಸರಸಪದಗಳನು ಪರಿಪರಿಯರುಹುವೆನೊ ||2||

ಎನ್ನಯ ಕರಗಳು ನೋಯುತಲಿರುವುವು
ಚಿನ್ಮಯ ರೂಪನೆ ನಿದ್ರೆಯ ಮಾಡೊ
ದಧಿ ಪಯ ಬೆಣ್ಣೆಯ ಕೊಡುವೆ|
ಪ್ರಸನ್ನ ಸುಹೃದಯದಲಿ ||3||
******