ಕಡಲ ಒಡಲೊಳಗಿದ್ದು ಬಡಬಾಗ್ನಿ ankita jagannatha vittala

ಜಗನ್ನಾಥದಾಸರು
ಕಡಲ ಒಡಲೊಳಗಿದ್ದು ಬಡಬಾಗ್ನಿ ಎನಿಸುವೆ
ಅಡವಿಯೊಳಗಿದ್ದು ದಾವಾಗ್ನಿ | ದಾವಾಗ್ನಿ ಎನಿಸುವಿ
ಪೊಡವಿಯೊಳು ಭೌಮ ಎನಿಸುವಿ 1


ಕೃಷ್ಣ ವತ್ರ್ಮನೆ ಎನ್ನ ದುಷ್ಟ ಕರ್ಮವ ನೋಡಿ
ಸಂತೈಸಿ ಭಾರ್ಗವಗ
ಧಿಷ್ಠಾನನೆಂದು ಮೊರೆಹೊಕ್ಕೆ 2


ದೇವಮುಖ ಎನ್ನಯ ಕರಾವಲಂಬನವಿತ್ತು
ಪಾಮರಗೊಲಿದು ಭವತಾಪ | ಭವತಾಪ ಪರಿಹರಿಸು
ಪಾವಕನ ಜನಕ ಪ್ರತಿದಿನ 3


ರುದ್ರಾಕ್ಷಗನೆ ಮಹೋಪದ್ರಗಳ ಪರಿಹರಿಸು
ಭದ್ರಪ್ರಕಾಶ ಮಹ ಭದ್ರ | ಮಹಭದ್ರ ವಿಖ್ಯಾತ ಕರುಣಾಸ
ಮುದ್ರ ನೀನೆಂದು ಶರಣೆಂಬೆ 4


ವೀತಿಹೋತ್ರನೆ ಜಗನ್ನಾಥ ವಿಠ್ಠಲನ ಸಂ
ಪ್ರೀತಿ ಪೂರ್ವಕದಿ ಸುತಿಸುವ | ತುತಿಸಿ ಹಿಗ್ಗುವ ಭಾಗ್ಯ
ಜಿತವಾಗಿ ಇರಲಿ ಎಂದೆಂದು 5

 ಶುಚಿನಾಮಕನೆ ಮನೋವಚನಾದಿಗಳ ದೋಷ
ನಿಭಯಗಳನೆಣಿಸಿ ದಣಿಸದೆ | ದಣಿಸದೆ ಮಚ್ಚಿತ್ತ
ಖಚಿತವನು ಮಾಡೊ ಹರಿಯಲ್ಲಿ 6

ಹುತವಹನೆ ಎನ್ನ ದುರ್ಮತಿಯ ಪರಿಹರಿಸಿ ಸ
ಪಥ ನಿತ್ಯ ನಾ
ನುತಿಸುವೆ ನಿನ್ನಾ ಕರುಣಾಳು 7
*********