ನೋವು ತಾಳಲಾರೆ ಹರಿಯೇ ಕಾವುದೆನ್ನನು
ಕರುಣಾಳು ದೊರೆಯೆ
ಸೇವಕನ ಕೈ ಬಿಡುವುದು ಸರಿಯೇ ಮಾವನಾ ಕೊಂದ
ಕೃಷ್ಣಮೂರುತಿಯೆ ಪ
ಕಣ್ಣುಗಳಿಗೆ ಕಾಣದ ನೋವು ಸಣ್ಣಾಗಿ ನೋಯಿಸುವಂಥ ನೋವು
ಹುಣ್ಣು ಘಾಯವು ಇಲ್ಲದ ನೋವು ಎಣಿಕೆ
ಇಲ್ಲದ ಬಾಧಿಪ ನೋವು 1
ಬಡವನಾಗಿ ನಾ ಬಳಲುವ ನೋವು ಪಡೆದವರಿಗೆ
ಬ್ಯಾಡದ ನೋವು
ಮಡದಿ ಮಕ್ಕಳು ಕಾಡುವ ನೋವು ಪಡೆದ ಕರ್ಮದ
ಫಲವುಂಬೋ ನೋವು 2
ವಿದ್ಯಾಬುದ್ಧಿಗಳಿಲ್ಲದ ನೋವು ಕದ್ದು ಪರಧನ ತಂದಂಥ ನೋವು
ಶುದ್ಧವಿಲ್ಲದ ಮನಸಿನ ನೋವು ಇದ್ದ ಋಣವನು ತೀರಿಸದ ನೋವು 3
ಕೊಟ್ಟ ದಾನವ ಕಸಗೊಂಡ ನೋವು ಶ್ರೇಷ್ಠ ನಾನೆಂಬೊ
ಗರ್ವದ ನೋವು
ಶ್ರೇಷ್ಠ ದಾಸರ ಹಳಿದಂಥ ನೋವು ದುಷ್ಟ ಜನರ
ಕೊಂಡಾಡಿದ ನೋವು 4
ದಾನಧರ್ಮವ ಮಾಡದ ನೋವು ಮೌನ ವ್ರತಗಳ
ಬಿಟ್ಟಂಥ ನೋವು
ಹೀನ ಬುದ್ಧಿಯ ಹೆಚ್ಚಾದ ನೋವು ಹನುಮೇಶ
ವಿಠಲನ ನೆನೆಯದ ನೋವು 5
***
nOvu tALalAre hariye l
kAyO emmanu karuNALu doreye l
sEvakana kai biDuvudu sariye l
mAvana konda kriShNa mUrutiye ll
kaNNugaLige kANada nOvu l
saNNAgi nOyisuvanta nOvu l
huNNugAyavu illada nOvu l
eNike illade BAdhipa nOvu ll
baDavanAgi baLaluva nOvu l
haDedavarige bEDAda nOvu l
maDadi makkaLu kADuva nOvu l
paDeda karmada PalavembO nOvu ll
dAna dharmava mADada nOvu l
maunavratangaLa biTTantha nOvu l
heenabuddi hecchAda nOvu l
hanumEShaviThalana neneyada nOvu ll
***
