Showing posts with label ಆಲದೆಲೆಯ ಮ್ಯಾಲೆ ಮಲಗಿದ್ದಾದಿ ಕೇಶವ bheemesha krishna AALADELEYA MYAALE MALAGIDDAADI KESHAVA. Show all posts
Showing posts with label ಆಲದೆಲೆಯ ಮ್ಯಾಲೆ ಮಲಗಿದ್ದಾದಿ ಕೇಶವ bheemesha krishna AALADELEYA MYAALE MALAGIDDAADI KESHAVA. Show all posts

Wednesday 6 October 2021

ಆಲದೆಲೆಯ ಮ್ಯಾಲೆ ಮಲಗಿದ್ದಾದಿ ಕೇಶವ ankita bheemesha krishna AALADELEYA MYAALE MALAGIDDAADI KESHAVA



ಆಲದೆಲೆಯ ಮ್ಯಾಲೆ ಮಲಗಿದ್ದಾದಿಕೇಶವ(ನ)

ನೋಡ ಬನ್ನಿರಾಲದೆಲೆಯ ಮ್ಯಾಲೆ ಕೃಷ್ಣ

ಬಾಲರೂಪ ಧರಿಸಿ ಅಂಧಕಾರ ಪ್ರಳಯ

ಜಲದ ಒಳಗೊಂದಾಲದೆಲೆÉಯ ಮ್ಯಾಲೆ ಕೃಷ್ಣ ಪ


ಪ್ರಳಯ ಕಾಲದಲ್ಲೆ ಹರಿಯು ಸರ್ವ

ಜೀವರನೆಲ್ಲ ತನ್ನ

ಉದರದೊಳಗಿಂಬಿಟ್ಟುಕೊಂಡು

ಛಲವ ಮಾಡದಂತೆ ರಂಗ

ಬೆರಳು ಬಾಯೊಳಗಿಟ್ಟು ಚೀಪುತ

ಹರಳು ಮಾಣಿಕ್ಯದರಳೆಲೆ ಮಾಗಾಯಿ

ಹೊಳೆಯುತ ಕೊರಳಲ್ಲಿ ಕೌಸ್ತುಭ ಕಟಿಸೂತ್ರ

ಕರುಣ ಸಾಗರಗಿನ್ನು ವರ ವೈಕುಂಠವಾಸ

ಮುದ್ದು ವರ ಮಾಲಕ್ಷ್ಮಿ ಸಹಿತ ಹರಿ

ಒಂದಾಲದೆಲೆಯ ಮ್ಯಾಲೆ 1


ಅಷ್ಟು ಜೀವರನೆಲ್ಲ ತನ್ನ ಹೊಟ್ಟೆಯೊಳಗಿಂ

ಬಿಟ್ಟು ಕೊಂಡು

ಸೃಷ್ಟಿ ಲಯಕೆ ಕರ್ತನಾದ ಶ್ರೇಷ್ಠ

ಸುಂದರಾಂಗ ತನ್ಹೆಬ್ಬೆಟ್ಟು ಬಾಯೊಳ

ಗಿಟ್ಟು ಚೀಪುತ ವಕ್ಷಸ್ಥಳದಿ

ಹೆಚ್ಚಿನ ಶ್ರೀವತ್ಸ ತೋರುತ

ಉತ್ತಮ ವೈಜ(ಯಂ)ತಿ ವಜ್ರ

ಕೆತ್ತಿದ ಕಿರೀಟ ಲಕ್ಷ್ಮೀಚಿತ್ತ

ಚೋರನಾದ ಪರಮಾತ್ಮ ಪರಮ ಹರುಷದಿಂ

ದ್ವೊಂದಾಲದೆಲೆಯ ಮ್ಯಾಲೆ 2


ಗಂಧ ಕಸ್ತೂರಿ ಪರಿಮಳ ಸುಗಂಧವಾದ

ಕುಸುಮ ಕೆಲದಿ

ಹೊಂದಿ ಕಟ್ಟಿದ ತುಳಸಿಮಾಲಿಕಿಂದೆ

ಪರಮ ಶೋಭಿತವಾದ ಬಂದಿ ಕಂಕಣ

ಬಾಹುಪ್ಪುರಿಗಳು ದುಂಡುಮುತ್ತಿನ

ಕೂದಲ ಕಾಂತಿ ಕದಪಿಲೆಸೆಯಲು

ಅಂದಿಗೆ ಪಾಗಡ ಗೆಜ್ಜೆ ಚೆಂದವಾದ ನಾದಗಳಿಂದ

ಇಂದುಕೋಟಿ ರವಿಯ ತೇಜ

ಮಂದಹಾಸ ಮುಖದ ಹರಿ

ಒಂದಾಲದೆಲೆಯ ಮ್ಯಾಲೆ 3


ಥಳಥಳಿಸುವಂತ್ಹೊಳೆವೊ ಚಕ್ರ

ಧವಳವರಣ ಶಂಖ ಕರದಿ

ಹವಳದುಟಿಯು ಹರಿಯ ಪದ್ಮ

ದಳಗಳಂತಕ್ಷಿಗಳ ಚೆಲುವ

ಅರುಣನಂತೆ ಚರಣ ಕರದಲ್ಲಿ ಒತ್ತುವೊ ಸಿರಿಯ

ಪರಮಪುರುಷ ನೋಡಿ ಸರಸದಿ

ಜರ ಪೀತಾಂಬರ ನಾಭಿಕಮಲಕ್ಕೊಲೆವೊ

ಒಡ್ಯಾಣವನೆ ಇಟ್ಟು ಹಲವು ಸೂರ್ಯರಂತೆ

ಲಕ್ಷ್ಮೀರಮಣ ಶ್ಯಾಮವರಣ ಹರಿ

ಒಂದಾಲದೆಲೆಯ ಮ್ಯಾಲೆ 4


ಅಳಕÀನಂದನ ಪಿತನು ತಾ ಘ-

ನೋದಕÀದೊಳು ತಾ

ರಂಗ ಚಾಮರ ಎಣಿಕಿಲ್ಲದೆ ಮಾ

ಣಿಕ್ಯದಾಭರಣ ಫಣಿಪಮಂಚಶಯನ

ನೀಲ ಕನಕರತ್ನ ಬಿಗಿದ್ಹಾಸಿಕೆಯಲಿ

ಪಂಚಶರನ ಜನಕ ಜಗವ

ನಿಟ್ಟು ತನ್ನಲ್ಲಿ ಅಳಕಗೂದಲು ಚೆಂಡಿಕೆಲ್ಲೆ

ಅರಳುಮಲ್ಲಿಗೆ ಸುತ್ತಿಹರಿಗೆ

ಝಳಕು ಮಿಂಚಿನಂತೆ ಜಗಕÉ ಬೆಳಕಿನÀಲಿ ಭೀಮೇಶ ಕೃ

ಷ್ಣೊಂದಾಲದೆಲೆಯ ಮ್ಯಾಲೆ 5

****