ಗೋವಿಂದ ಸಲಹೆನ್ನನು neleyadikeshava

ರಚನೆ : ಕನಕದಾಸರು
ರಾಗ :ನಾದನಾಮಕ್ರಿಯ  ತಾಳ : ಛಾಪು

ಗೋವಿಂದ ಸಲಹೆನ್ನನು
ಸದಾನಂದಾ  ಗೋವಿಂದ ಸಲಹೆನ್ನನು ।।ಪ॥


ಗೋವಿಂದ ಸಲಹೆನ್ನ  ಕುಮುದ ಲೋಚನ
ನಿನ್ನ  ಸೇವಕರಡಿಯ  ಸೇವಕನಯ್ಯ  ಹರಿಯೇ ।।ಅ.ಪ ।।

ತಮನ ಸಂಹರಿಸಿ  ವೇದವ  ತಂದೆ ಗೋವಿಂದ
ಅಮರರಿಗೆ  ಒಲಿದು  ಅಮೃತವನಿತ್ತೆ  ಗೋವಿಂದ
ರಮಣಿಯ  ತಂದೆ ವರಹ  ರೂಪಿ ಗೋವಿಂದ
ಭ್ರಮಿಸಿ ಕಂಭದೊಳು  ಉದ್ಭವಿಸಿದೆ ಗೋವಿಂದ
ಕ್ಷಮೆಯನೆಳೆಯ  ಬ್ರಹ್ಮಚಾರಿ  ಆದೆ ಗೋವಿಂದ
ಸಮರದಲ್  ಅಖಿಲ ರಾಜರ  ಕೊಂದೆ  ಗೋವಿಂದ
ಕಮಲಾಕ್ಷ  ಕಡಲ ಕಟ್ಟಿದ  ದಿಟ್ಟ ಗೋವಿಂದ
ಮಮತೆಯೊಳ್  ಇಳೆಯ  ಗೋಗಳ  ಕಾಯ್ದೆ  ಗೋವಿಂದ
ರಮಣಿಯರಿಗೆ  ಒಲಿದು  ಬತ್ತಲೆ  ನಿಂತೆ  ಗೋವಿಂದ
ಅಮಿತ ವಾಹನ ಗೋವಿಂದ
ನಿಂದಿಪರಿಗೆ  ಶಮನನಂತಿಹ ಗೋವಿಂದ
ಇಂಗಡಲೊಳು  ರಮಿಸಿ ನಿದ್ರಿಪ ಗೋವಿಂದ
ಅರಿಯದಂತೆ  ವಿಮಲ ಜ್ಯೋತಿ ಗೋವಿಂದ
ಅಚ್ಯುತ ಸರ್ವೋತ್ತಮನೇ  ಚಿನ್ಮಯ ಗೋವಿಂದ
ಅಚಲ ಮುಕ್ತಿ  ಕ್ರಮವ ಭೋದಿಪ  ಗೋವಿಂದ
ಸತತ ಕಾಯೋ  ಕಮಲಾಲಿಂಗಿತ  ಗೋವಿಂದ
ಭಕುತಿಯಿಂದ ನಮೋಯೆಂಬೇ  ದಶಾವತಾರದ  ಗೋವಿಂದ ।।೧।।


ನರ  ಬೊಂಬೆಗಳ ಮಾಡಿ ಕುಣಿಸುವೆ ಗೋವಿಂದ
ನರರ  ನೋಡಿ  ನೋಡಿ ನಗುತಿಪ್ಪೆ ಗೋವಿಂದ
ಅರಿಯದಂತಖಿಳದೊಳಗಿಪ್ಪೆ ನೀ ಗೋವಿಂದ
ಪರಮ ಪಾವನನೆಂಬ ಬಿರುದುಳ್ಳ  ಗೋವಿಂದ
ಪರಮಾತ್ಮ  ಕರಿಯ ಮೇಘವ ಪೋಲ್ವ  ಗೋವಿಂದ
ಪರಮ ಪುರುಷೋತ್ತಮ  ನೀನೇ  ಗೋವಿಂದ
ಕರಿರಾಜ ಕರಿಯಲದಹಿ  ಬಂದೆ ಗೋವಿಂದ
ಮೊರೆ   ಹೊಕ್ಕ  ಭಕುತರ ಸಲಹೋದೆ  ಗೋವಿಂದ
ಅರಿಯನು ನಾನು  ನಿನ್ನವನೈಯ್ಯ ಗೋವಿಂದ
ಗರುಡ ವಾಹನ ಗೋವಿಂದ
ನಿನ್ನರಸಿಯು  ಅರಿಯದಂತಿಹೆ  ಗೋವಿಂದ
ಸತತ ನಿನ್ನ  ಸ್ಮರಣೆಗೈವೆನೋ  ಗೋವಿಂದ
ಸಾಸಿರ ಕೋಟಿ  ಸುರರ ಪೊರೆವ ಗೋವಿಂದ
ಗಂಗೆಯ ಪಡೆದ  ಚರಣ ನಿರ್ಗುಣ  ಗೋವಿಂದ
ಮುಕ್ತಿಯು ನಿನ್ನ ಚರಣವಲ್ಲವೇ  ಗೋವಿಂದ
ಶ್ರೀ ವೈಕುಂಠ  ಪುರದಲ್ಲಿರುವ ಗೋವಿಂದ
ಶರಣು ಸಿರಿ  ವರ ಕಾಗಿನೆಲೆ  ಆದಿಕೇಶವ ಶ್ರೀ ಕೃಷ್ಣ ।।೨।।
**********


ಗೋವಿಂದ ಸಲಹೆನ್ನನು - ಸದಾನಂದಗೋವಿಂದ ಸಲಹೆನ್ನನು ಪ

ಗೋವಿಂದ ಸಲಹೆನ್ನ ಕುಮುದಲೋಚನ ನಿನ್ನಸೇವಕರಡಿಯ ಸೇವಕನಯ್ಯ ಗೋವಿಂದ ಅ

ತಮನ ಸಂಹರಿಸಿ ವೇದವ ತಂದೆ ಗೋವಿಂದಅಮರರಿಗಮೃತ ಪಾನವನಿತ್ತೆ ಗೋವಿಂದರಮಣಿಯ ತಂದ ವರಾಹರೂಪಿ ಗೋವಿಂದಭ್ರಮಿಸಿ ಕಂಬದೊಳುದ್ಭವಿಸಿದೆ ಗೋವಿಂದಕ್ಷಮೆಯನಳೆದ ಬ್ರಹ್ಮಚಾರಿಯೆ ಗೋವಿಂದಸಮರದೊಳಖಿಲ ರಾಯರ ಕೊಂದೆ ಗೋವಿಂದಕಮಲಾಕ್ಷ ಕಡಲ ಕಟ್ಟಿದ ದಿಟ್ಟ ಗೋವಿಂದಮಮತೆಯೊಳಿಳೆಯ ಗೋವ್ಗಳ ಕಾಯ್ದೆ ಗೋವಿಂದರಮಣಿಯರ್ಗೊಲಿದು ಬತ್ತಲೆ ನಿಂತೆ ಗೋವಿಂದವಿಮಲ ತುರಗವೇರಿ ನಡೆಸಿದೆ ಗೋವಿಂದನಮಿಪರಿಗೊಲಿದೆ ಗೋವಿಂದ - ನಿಂದಿಪರಿಗೆಶಮನನಂತಿಪ್ಪೆ ಗೋವಿಂದ - ಎಲ್ಲರೊಳಿಪ್ಪಅಮಿತ ಮಹಿಮ ಗೋವಿಂದ - ಇಂಗಡಲೊಳುಗಮನ ನಿರ್ಜಿತ ಗೋವಿಂದ - ಅಚ್ಯುತ ಸರ್ವೋ-ತ್ತಮನೆ ಚಿನ್ಮಯ ಗೋವಿಂದ - ನಿಶ್ಚಲಭಕ್ತಿಕ್ರಮವ ಬೋಧಿಸೊ ಗೋವಿಂದ - ಪಾಪವನೆಲ್ಲಶಮನಗೊಳಿಪ ಗೋವಿಂದ - ಲಕ್ಷ್ಮೀರಮಣನಮೋ ದಶಾವತಾರಿ ಗೋವಿಂದ 1

ಮನವೆನ್ನ ಮಾತು ಕೇಳದು ಕಾಣೊ ಗೋವಿಂದಮನವ ಗೆಲ್ಲುವ ಬಲ ಎನಗಿಲ್ಲ ಗೋವಿಂದಕನಸಿನಂತಿಹ ದೇಹ ಸ್ಥಿರವಲ್ಲ ಗೋವಿಂದಬಿನುಗು ಬುದ್ಧಿಗಳ ಬಿಡಿಸಯ್ಯ ಗೋವಿಂದನೆನಹು ನಿನ್ನೊಳಗಿಟ್ಟು ನಡೆಸಯ್ಯ ಗೋವಿಂದನೆನೆವ ದಾಸರ ಮನದೊಳಗಿರ್ಪ ಗೋವಿಂದವನಜಲೋಚನ ನಾ ನಿನ್ನವನಯ್ಯ ಗೋವಿಂದಘನ ಮಹಿಮನೆ ನಿನ್ನ ಮೊರೆಹೊಕ್ಕೆ ಗೋವಿಂದಮುನಿಗಳ ಮನದೊಳು ಮಿನುಗುವ ಗೋವಿಂದನಿನಗಲ್ಲದಪಕೀರ್ತಿ ಎನಗೇನೊ ಗೋವಿಂದಜನನ ರಹಿತ ಗೋವಿಂದ - ನಿನ್ನಡಿಗಳನೆನವು ಕೊಡೊ ಗೋವಿಂದ - ದುರ್ವಿಷಯ ವಾ-ಸನೆಯ ಬಿಡಿಸೊ ಗೋವಿಂದ - ಕುತ್ಸಿತ ಕೆಟ್ಟತನವ ಬಿಡಿಸೊ ಗೋವಿಂದ - ಸದ್ಗುಣವೆಂಬಧನವ ತುಂಬಿಸೊ ಗೋವಿಂದ - ಇದಕ್ಕೆ ಬಡ-ತನವೆ ನಿನಗೆ ಗೋವಿಂದ - ಸದಾ ನಿನ್ನಘನ ಸ್ಮರಣೆ ಕೊಡು ಗೋವಿಂದ - ಸನಕಸನಂದನಾರ್ಚಿತ ಗೋವಿಂದ 2


ನರ ಬೊಂಬೆಗಳ ಮಾಡಿ ಕುಣಿಸುವೆ ಗೋವಿಂದನರರ ನೋಡಿ ನೋಡಿ ನಗುತಿರ್ಪೆ ಗೋವಿಂದಅರಿದೆನೆಂಬರಿಗಂತ್ಯ ತೋರದೊ ಗೋವಿಂದಅರಿಯದಂತಖಿಳದೊಳಗಡಗಿರ್ಪೆ ಗೋವಿಂದಅರಿಯಾಡಂಬರಗಳಿಗಳವಡದ ಗೋವಿಂದಪರಮ ಪಾವನನೆಂಬ ಬಿರುದುಳ್ಳ ಗೋವಿಂದ ಪರಮ ಪುರುಷ ಪುರುಷೋತ್ತಮ ಗೋವಿಂದಪರಬ್ರಹ್ಮ ಪರಮ ಪರಾತ್ಪರ ಗೋವಿಂದಮೊರೆ ಹೊಕ್ಕ ಭಕ್ತರ ಸಲಹುವ ಗೋವಿಂದಕರಿರಾಜ ಕರೆಯಲೊದಗಿ ಬಂದೆ ಗೋವಿಂದಗರುಡಗಮನ ಗೋವಿಂದ - ಕಿನ್ನರ ಸಿದ್ಧಗರುಡ ಸನ್ನುತ ಗೋವಿಂದ - ಅಪರಿಮಿತಕರುಣಾಸಾಗರ ಗೋವಿಂದ - ಅರಿಯದಂಥಪರಮ ಜ್ಯೋತಿಯೆ ಗೋವಿಂದ - ಗಂಗೆಯ ಪೆತ್ತಚರಣ ನಿರ್ಮಲ ಗೋವಿಂದ - ತೆತ್ತೀಸ ಕೋಟಿಸುರರ ಪೊರೆವ ಗೋವಿಂದ - ಶ್ರೀವೈಕುಂಠಪುರದೊಳಗಿಹ ಗೋವಿಂದ - ಅಚ್ಯುತಾನಂತತಿರುಪತಿ ನೆಲೆಯಾದಿ ಕೇಶವ ಗೋವಿಂದ
*********