ಕರುಣಾದಿ ಪಿಡಿ ಕರವಾ ದೇವರ ದೇವ ಪ
ಕರುಣಾದಿ ಪಿಡಿಕರ ಸರಸಿಜಾಂಬಕ ಎನ್ನ
ಗುರು ರಘುಪತಿ ಪಾಲಾ ಮರುತಾಂತರಿಯಾಮಿ ಅ.ಪ
ಗತಶೋಕ ಜಿತಮಾಯ
ಪತಿತ ಪಾವನವೇದ್ಯ
ಪ್ರತಿಪಾದ್ಯ ಕ್ಷಿತಿಪ ಭಾರತಿ ಕಾಂತ ವಂದ್ಯಾ ಆ
ನತರ ಪಾಲಕ ದುಷ್ಟದಿತಿಜಾರಿ ತವಪಾದ
ಶತಪತ್ರ ಬಿಡದೆ ಸಂತತ ಭಕುತಿಯಲಿಂದ
ಸ್ತುತಿಪಾರ ಮಿತ ಅಘವಾ
ಕಳೆದು ಮತ್ತೆ ಹಿತದಿ ಸದ್ಗತಿ ಕೊಡುವಾ
ನಿನ್ನಯ ದಿವ್ಯಾಚ್ಯುತವಾದ ಘನದಯವಾ ಪೊಗಳು
ವಂಥ ಮತಿವಂತರನು ಕಾಣೆ ಶತಮುಖಜಜ ಮಾವಾ 1
ಅನಿಮಿತ್ಯ ಬಂಧುವೆ ವನಚಾರಿ ಕೂರ್ಮನೆ
ಕನಕ ನೇತ್ರಾರಿ ಪಾವನತರ ನರ ಪಂಚ
ನಾನಾ ರೂಪದಿಂದ ಬಾಲನಾ ಕಾಯ್ದೊನರ ಹರಿಬಲಿ
ಯನು ಪಾದದಿಂದ ತುಳದು ನಿತ್ಯ ಅನಘಾತ್ಮ
ಜನನೀಯ ಕೊಂದಾನೆ ಜನಕ ಜಾಪತಿಯ ರು
ಕ್ಮಿಣಿ ಮನೋಹರನೆ ವಸನದೂರ ಹಯರೂಢ
ಜನನ ರಹಿತ ವಿಖ್ಯಾತಾ
ನಮಿಸುವೆ ಅನಿಮಿಷಪಜನ ಸುತಾ ಬೇಡಿಕೊಂಬೆ
ಅನುದಿನದಲಿ ಮಮತಾ
ಎನ್ನೊಳಗಿಟ್ಟು ಕ್ಷಣ ಬಿಡದಲೆ ಕಾಯೊ
ಕನಕೋದರನ ತಾತಾ 2
ಸರಿವೀರ ಹಿತ ಬಲಿಸರಸಿ ಜಾಂಬಕ ಮುರ
ಹರ ಹರ ವಂದಿತ ಹರಿಮುಖ ಹರಿನುತ
ಹರಿಸುರ ಪ್ರೀತಿ ಪಾದ್ಯ ಹರಸು ಎನ್ನಯ ಅಘ
ನಿರುತ ನಿನ್ನ ಡಿಂಗರರ ನೀಕರದಿತ್ತು
ಗುರುವಿನ ಚರಣಾದಿ ಸ್ಥಿರ ಭಕುತಿಯ ಕೊಟ್ಟು
ವರ ಶಿರಿಗೋವಿಂದ ವಿಠಲನೆ ನೀ ಯನ್ನ
ಮರಿಯದೆ ಮಮತೆಯಿಂದಾ
ಪಾಲಿಸು ನಿತ್ಯ ಗರಿಯುತಲಿರು ಆನಂದಾ
ನಿನ್ನಯ ಪಾದಾದಿರಲಿ ಮನಸು ಮುಕುಂದಾ
ಬೇಡಿಕೊಂಬೆ ಭರದಿಂದ ಬಿಡಿಸೊ ಈ ದುರುಳ
ಭವದ ಬಂಧ 3
****
