ಶ್ರೀಭಾರತೀಶನಮೋ ನಮೋ ಬಿನ್ನಪವ ankita pranesha vittala

by ಪ್ರಾಣೇಶದಾಸರು
ಶ್ರೀ ಭಾರತೀಶನಮೋ ನಮೋ ಬಿನ್ನಪವ ಕೇಳು |ನಾಭಿನಂದನಚರಣಸರಸೀರುಹಭೃಂಗನಮೋ ನಮೋ ಪ

ಸಂಕರ್ಷಣನತನಯಜಡಜಂಗಮದಿ ವ್ಯಾಪ್ತ |ಶಂಕರಾದಿ ಸಮಸ್ತ ಸುರವಂದಿತ ||ಕಿಂಕರರವನೋ ನಾನು ದಯದಿ ಕರಪಿಡಿದುಭವ|ಪಂಕದೊಳಗಿಹನ ಕಡೆ ತೆಗೆಯೊ ಭಯ ಕಳಿಯೊ 1

ನೀನಲ್ಲದಾರ ಸಲಹುವರ ಕಾಣೆನೋಜೀಯ|ಭಾನುನಂದನ ರಕ್ಷದುರುಳಶಿಕ್ಷ ||ಹೀನಮತಗಳ ಸೋಲಿಸಿದ ದಕ್ಷ ಸುರಪಕ್ಷ |ದೀನಜನಮಂದಾರಪವನ ಸುಕುಮಾರಾ 2

ಪ್ರಾಣೇಶ ವಿಠಲನಿಚ್ಛಾನುಸಾರ ಧರೆಯೊಳು |ನೀನವತರಿಸಿ ಜಾತಿ ಧರ್ಮವನ್ನು ||ಜ್ಞಾನಿಗಳ ಸಮ್ಮತಾಹಂತೆ ಆಚರಿಸಿದೆಯೊ |ಮಾನಿ ಮೋಕ್ಷದನೆ ಆರೊಂದು ಸುರವಂದ್ಯ 3
*******