ನಾರಾಯಣ ನಾರಾಯಣ ಗೋವಿಂದ ಹರಿ ನಾರಾಯಣ ಗೋವಿಂದ purandara vittala NARAYANA NARAYANA GOVINDA HARI NARAYANA GOVINDA DASHAVATARA

ನಾರಾಯಣ ನಾರಾಯಣ ಗೋವಿಂದ

ಹರಿ ನಾರಾಯಣ ನಾರಾಯಣ ಗೋವಿಂದ ||ಪ||

ನಾರಾಯಣ ಗೋವಿಂದ ಗೋವಿಂದ ಮುಕುಂದ

ಪರತರ ಪರಮಾನಂದ ||ಅ||

ಮೊದಲು ಮತ್ಸ್ಯನಾಗಿ ಉದಿಸಿ ಸೋಮನ
ಸದೆದು ವೇದಗಳ ತಂದ ||

ಮಂದರಗಿರಿ ಸಿಂಧುವಿನೊಳಮೃತ
ತಂದು ಭಕ್ತರಿಗುಣಲೆಂದ ||

ಭೂಮಿಯ ಕದ್ದ ಖಳನ ಮರ್ದಿಸಿ
ಆ ಮಹಾ ಸತಿಯಳ ತಂದ ||

ದುರುಳ ಹಿರಣ್ಯಕನ ಕರುಳ ಬಗೆದು
ತನ್ನ ಕೊರಳೊಳಿಟ್ಟ ಬಗೆಯಿಂದ ||

ಪುಟ್ಟನಾಗಿ ಮಹಿ ಕೊಟ್ಟ ಬಲಿಯ ತಲೆ
ಮೆಟ್ಟಿ ತುಳಿದ ಬಗೆಯಿಂದ ||

ಧಾತ್ರಿಯೊಳು ಮುನಿಪುತ್ರನಾಗಿ ಬಂದು
ಕ್ಷತ್ರಿಯರೆಲ್ಲರ ಕೊಂದ ||

ಮಡದಿಗಾಗಿ ಸರಗಡಲನೆ ಕಟ್ಟಿ
ಹಿಡಿದು ರಾವಣನ ಕೊಂದ ||

ಗೋಕುಲದಿ ಹುಟ್ಟಿ ಗೋವ್ಗಳ ಕಾಯ್ದ
ಗೋಪಾಲಕೃಷ್ಣ ತಾ ಬಂದ ||

ಛಲದಲಿ ತ್ರಿಪುರರ ಸತಿಯರ ವ್ರತದ
ಫಲವನಳಿದ ಬಗೆಯಿಂದ ||

ಧರೆಯೊಳು ಪರಮ ನೀಚರ ಸವರೆ
ಕುದುರೆಯೇರಿದ ಕಲಿ ಚಂದ ||

ದೋಷದೂರ ಶ್ರೀಪುರಂದರವಿಠಲ
ಪೋಷಭಕ್ತಸುವೃಂದ ||
****

ರಾಗ ಧನಶ್ರೀ ಆದಿತಾಳ raga in audio may differ