ಮಂಗಳಂ ಕಲ್ಯಾಣ ಸಾಂದ್ರಗೆ ankita jagannatha vittala

ಜಗನ್ನಾಥದಾಸರು
ಮಂಗಳಂ ಕಲ್ಯಾಣ ಸಾಂದ್ರಗೆ ಪ

ವಾದೀಂದ್ರ ಗುರುವರ ಕುವರಗೆ ಮಂಗಳ
ಮೇದಿನಿ ಸುವಿನುತಗೆ ಮಂಗಳ
ಸಾಧಿತ ಸಕಲ ಸುತತ್ವ್ವಗೆ ಮಂಗಳ
ವಾದಿ ವಾರಿದ ಚಂಡ ಪವಮಾನಗೆ 1

ವರಹತನಯ ತೀರ ಧರಣಿ ಧರಾಹ್ವಯ
ಪುರದಿ ವಿರಾಜಿಸುವಗೆ ಮಂಗಳ
ವರದೇಂದ್ರ ಯತಿವರರ ಕಮಲಾರ್ಚಿತ
ಚರಣ ಪಂಕೇಜ ಯುಗ್ಮಗೆ ಮಂಗಳ 2

ಸೂರಿಕುಲೋತ್ತಮ ಶ್ರೀ ರಾಘವೇಂದ್ರ
ಗುರು ಸದ್ವಂಶ ಜಾತಗೆ ಮಂಗಳ
ನಾರದನುತ ಜಗನ್ನಾಥವಿಠಲನ ಕರುಣ
ಪಾತ್ರ ಸಂಯಮಿವರಗೆ ಮಂಗಳ 3
********