ಪಾಂಡುರಂಗನ ಈಕ್ಷಿಸುವ ಸುಖವೇ ಸಾಕು ankita vijaya vittala

ಶ್ರೀ ವಿಜಯದಾಸರ ಕೃತಿ

 ರಾಗ ಅಭೇರಿ          ಆದಿತಾಳ 

ಪಾಂಡುರಂಗನ ಈಕ್ಷಿಸುವ ಸುಖವೇ ಸಾಕು ॥ ಪ ॥
ಅಪಾರಮಹಿಮ ಅನಂತಾನಂತರೂಪನ ॥ ಅ ಪ ॥

ಶಶಿನಖ ಸಾಲ್ಬೆರಳು ಪರಡುಜಾನು ಜಂಘೆ ।
ಎಸೆವ ಊರು ಕಟಿ ನಾಭಿ ಉದರ ಉರುತರ ಕಂಠ ॥
ಮಿಸಣಿಪ ವದನ ನಾಸ ಕದಪು ಕರ್ಣ ನಯನಾ ।
ನೊಸಲು ಶಿರ ಜಗವ ವ್ಯಾಪಿಸಿದ ರಕ್ಕಸಹರನ ॥ 1 ॥

ಮಕುಟಮಣಿಕುಂಡಲ ತಿಲಕ ಸರಿಗೆ ಕೌಸ್ತಭ ।
ವಿಕಸಿತಕಮಲ ತುಲಸಿಹಾರ ಮುತ್ತಿನಸರ, ಪ - ॥
ದಕ ಅಂಗದ ಕಂಕಣ ಮುದ್ರೆ ಕಟಿ ಸೂತ್ರ ।
ಸುಖದಂದಿಗೆ ಪೆಂಡೆ ಗೆಜ್ಜೆ ಸುಕುಮಾರನಾ ॥ 2 ॥

ಶ್ರುತಿತತಿಗೆ ದೂರ ಉನ್ನತಲೀಲ ಸಾಕಾರ ।
ಸತತ ಭಕ್ತರಾಧಾರ ಅಪ್ರಾಕೃತಶರೀರ ॥
ಯತಿಗಳ ಮನೋಹರ ಮತಿಗೆ ಅಗೋಚರ ।
ಪತಿತಪಾವನ ಸಿರಿಪತಿ ವಿಜಯವಿಠ್ಠಲನ ॥ 3 ॥
**********

ಪಾಂಡುರಂಗನ ಈಕ್ಷಿಸುವ ಸುಖವೇ ಸಾಕೂ 

ಅಪಾರ ಮಹಿಮ ಅನಂತಾನಂತ ರೂಪನಾ ll ಪ ll

ಶಶಿ ನಖ ನಾಲ್ಬೆರಳು ಎರಡು ಜಾನು ಜಂಘಿ 

ಎಸೆವ ಊರು ಕಟಿ ನಾಭಿ ಉದರ ಉರುತರ ಕಂಠಾ

ಮಿಸಣಿಪ ವದನ ನಾಸ ಕದಪು ಕರ್ಣ ನಯನಾ

ನೊಸಲು ಶಿರ ಜಗವ ವ್ಯಾಪಿಸಿದ ರಕ್ಕಸ ಹರನಾ ll 1 ll

ಮಕುಟ ಮಣಿ ಕುಂಡಲ ತಿಲಕ ಸರಿಗೆ ಕೌಸ್ತುಭ

ವಿಕಸಿತ ಕಮಲ ತುಲಸಿಹಾರ ಮುತ್ತಿನಸರ ಪ

ದಕ ಅಂಗದ ಕಂಕಣ ಮುದ್ರೆ ಕಟಿಸೂತ್ರ

ಸುಖದಂದಿಗೆ ಪೆಂಡೆಗೆಜ್ಜೆ ಸುಕುಮಾರನಾ ll 2 ll

ಶ್ರುತಿ ತತಿಗೆ ದೂರ ಉನ್ನತ ಲೀಲ ಸಾಕಾರ

ಸತತ ಭಕ್ತರಾಧಾರ ಅಪ್ರಾಕೃತ ಶರೀರ

ಯತಿಗಳ ಮನೋಹರ ಮತಿಗೆ ಅಗೋಚರ 

ಪತಿತಪಾವನ ಸಿರಿ ಪತಿ ವಿಜಯವಿಠಲನಾ ll 3 ll

********