ಸಾಹಿತ್ಯ : ಶ್ರೀ ಪುರಂದರ ದಾಸರು (ಪುರಂದರ ವಿಠಲ)
Kruti: Sri Purandara Dasaru (Purandara vittala)
Singer: Gayathri Sudarshan
ಗಾಯಕರು: ಗಾಯತ್ರೀ ಸುದರ್ಷನ್
ಕೃಷ್ಣ ಬೃಂದಾವನದಿ ಕೊಳಲೂದಲಿಲ್ಲವೇ ||ಪ||
ಅಂದು ಗೋಪಿಯರನ್ನು ಕರೆಯಲಿಲ್ಲವೇ
ಇಂದೇಕೆ ಮರೆತೆಯೋ ಮಾಧವಾ| ನೀ ಬಂದು ಕಾಯೋ ಎನ್ನ ಕೇಶವಾ ||ಅಪ||
ನೀರೊಳಾಟವ ನೀನಾಡಲಿಲ್ಲವೇ| ನೀ ಭಾರವ ಬೆನ್ನೊಳೆತ್ತಲಿಲ್ಲವೇ|
ಕೋರೆಯ ಮಸೆಯುತ್ತ ತಿರುಗಲಿಲ್ಲವೇ| ನೀ ಪೋರನ ಮಾತಿಗೆ ಬರಲಿಲ್ಲವೇ ||೧||
ಪೊಡವಿ ದಾನವ ನೀ ಬೇಡಲಿಲ್ಲವೇ| ನೀ ಬಡವ ಬ್ರಾಹ್ಮಣನಾಗಿ ತಿರುಗಲಿಲ್ಲವೇ|
ಮಡದಿಯ ಕಟ್ಟಿಕೊಂಡು ಪೋಗಲಿಲ್ಲವೇ| ನೀ ಕಡಗೋಲು ಕೈಯಲ್ಲಿ ಪಿಡಿಯಲಿಲ್ಲವೇ ||೨||
ಬೆತ್ತಲೆ ಬೌದ್ಧನಾಗಿ ನಿಲ್ಲಲಿಲ್ಲವೇ| ನೀ ಉತ್ತಮ ತೇಜಿಯ ನೇರಲಿಲ್ಲವೇ|
ಹತ್ತಾವತಾರವ ತೋರಲಿಲ್ಲವೇ| ನೀ ಮತ್ತೆ ಶ್ರೀ ಪುರಂದರ ವಿಠಲನಲ್ಲವೇ ||೩||
***
kRuShNa bRuMdAvanadi koLalUdalillavE ||pa||
aMdu gOpiyarannu kareyalillavE
iMdEke mareteyO mAdhavA| nI baMdu kAyO enna kESavA ||apa||
nIroLATava nInADalillavE| nI BArava bennoLettalillavE|
kOreya maseyutta tirugalillavE| nI pOrana mAtige baralillavE ||1||
poDavi dAnava nI bEDalillavE| nI baDava brAhmaNanAgi tirugalillavE|
maDadiya kaTTikoMDu pOgalillavE| nI kaDagOlu kaiyalli piDiyalillavE ||2||
bettale bauddhanAgi nillalillavE| nI uttama tEjiya nEralillavE|
hattAvatArava tOralillavE| nI matte SrI puraMdara viThalanallavE ||3||
***
