ನಾಮ ಮುದ್ರೆಯ ಧರಿಸೋ ಶ್ರೀಹರಿಯ ದಿವ್ಯ ಪ
ನಾಮ ಮುದ್ರೆಯ ಧರಿಸೆ ಆ ಯಮನಾಳುಗಳ
ಭೀಮವಿಕ್ರಮದ ಭಯ ಲೇಶವಿಲ್ಲವೋ ಅ.ಪ
ಚಕ್ರದೊಳು ಹೀಂಕಾರನಾಮಕನಾಗಿ
ನಕ್ರವೈರಿಯ ಕಾಯ್ವ ತಮವನ್ನು ಹರಿಸಿ
ವಿಕ್ರಮ ಕೃಧ್ಧೋಲ್ಕ ತಮಲೋಕದೊಳು ಇದ್ದು
ಚಕ್ರಧರಿಸದ ಜೀವರ ಕ್ರೂರತನದಲಿ ಶಿಕ್ಷಿಪಾ 1
ಶಂಖದೊಳು ಪ್ರತೀಹಾರನಾಮಕ ಹರಿ ಇರುವ
ಶಂಕಿಸಬೇಡವೊ ಮೋಹವ ಹರಿಸುವ
ಶಂಕಿಸುವವನ ಪಾಪಪಂಕದೊಳಿಟ್ಟು
ಮಂಕುಕವಿಸಿ ಮಹೋಲ್ಕ ಶಿಕ್ಷಿಪನಯ್ಯ 2
ಗದೆಯೊಳು ನಿಧನನಾಮಕ ಹರಿಯು ತಾನಿದ್ದೂ
ಒದಗುವ ಮನಮೋಹವನ್ನು ಹರಿಸುವ
ಮುದದಿ ಮರೆಯುವವರನಾ ವೀರೋಲ್ಕ ತಾ
ಸದೆ ಬಡಿಯುವನು ತನ್ನ ಗದೆಯಿಂದಲಿ ನಿತ್ಯ 3
ಪದುಮನೊಳು ಪ್ರಸ್ತಾವನಾಮದಿ
ಮುದದಿ ಭಕ್ತರ ಅಂಧತಾಮಿಶ್ರವ ಹರಿಸುವ
ಪದ್ಮರಹಿತ ಮಾನವರ ದ್ಯುಲ್ಕರೂಪದಿ
ವಧಿಸುವ ತಾಮಿಶ್ರ ನರಕದೊಳು ನಿತ್ಯ 4
ನಾರಾಯಣ ಮುದ್ರೆಯೊಳು ಉದ್ಗೀಥನು
ಹರಿಭಕುತರ ಅಂಧತಾಮಿಶ್ರ ಕಳೆವನು
ದುರುಳ ಕಲ್ಯಾದ್ಯರ ಸಹಸ್ರೋಲ್ಕ ರೂಪದಿ
ಕ್ರೂರತನದಿ ಅಂಧಂತಮದೊಳಿಡುವನು 5
ನೇಮದಿ ದ್ವಾದಶ ಊಧ್ರ್ವಪುಂಡ್ರಗಳು
ಕಮಲ ತುಲಸಿಮಣಿಮಾಲೆಗಳ ಕೊರಳೊಳು
ವಿಮಲ ಮನಸಿನಿಂದ ಧರಿಸುವ ಮನುಜರಿಗೆ
ಯಮನಾಳುಗಳ ಭಯ ಲೇಶವಿಲ್ಲೆಂದಿಗೂ 6
ಪಂಚರೂಪಾತ್ಮಕ ಹರಿಯನ್ನೆ ನೆನೆಯುತ
ಪಂಚ ಪಂಚ ಕರಣಗಳ ಕಾರ್ಯ ಒಪ್ಪಿಸೇ
ಪಂಚನರಕಬಾಧೆ ಕಿಂಚಿತ್ತ್ತಾದರು ಇಲ್ಲ
ಪಂಚಾನನನುತ ಶ್ರೀ ವೇಂಕಟೇಶನ ದಿವÀ್ಯ7
****
