ಹಸೆಗೆ ಬಾರೆ ಬಿಸಜ ಮಂದಿರೆ ಕುಸುಮಾಸ್ತ್ರನ ಜನನಿ ಬೇಗ ankita gururama vittala

 ಶ್ರೀ ಗುರುರಾಮವಿಠಲ ದಾಸರ ರಚನೆ 

ಹಸೆಗೆ ಬಾರೆ ಬಿಸಜ ಮಂದಿರೆ

ಕುಸುಮಾಸ್ತ್ರನÀ ಜನನಿ ಬೇಗ ನೀ 

ಪ

ಎಸೆವ ಪೀಠಕೆ ನಸುನಗುತಲಿ

ದಶರಥ ನೃಪನ ಸೊಸೆಯೆ ಕರುಣದಿ 

ಅ.ಪ

ಮಾನಸಾಷ್ಟದಳ ಕಮಲ ಪೀಠಕೆ

ಸಾಸುರಾಗದಿ ಪತಿ ಸಹಿತವಾಗಿ

ಆನಳಿನಜಾದಿ ಪರಿವಾರದೊಡನೆ

ಆನಂದಾಮೃತ ವೃಷ್ಟಿಯ ಕರೆಸುತೆ 

1

ಕಾಲಲಂದಿಗೆ ಗೆಜ್ಜೆಗಳ್ ಮೆರೆಯೆ

ಮೇಲೆ ಸುರರು ತಾ ಹೊಮಳೆಯ ಸುರಿಯೆ

ಕಾಲ ಕಾಲದಿ ನಿನ್ನೋಲಗವಿತ್ತು

ಪಾಲಿಸಲ್ಕೆ ಭಕ್ತ ಜನರನು 

2

ಮಾಯೆ ಜಾಯೆ ಕೃತಿ ಶಾಂತಿ ರಮೆ ನಿರ |

ಪಾಯ ಸೌಖ್ಯವನು ಪುತ್ರರಿಗೀವುತ

ಕಾಯುವಳು ನೀನೆಂದು ಶೃತಿ ನಿ |

ಕಾಯ ಮುತ್ತೈದೆಯರ್ ಕರೆವರು 

3

ತಟ್ಟೆಯೊಳಗರಿಸಿನ ಕುಂಕುಮಾಕ್ಷತೆಗ

ಳಿಟ್ಟು ಗಂಧ ಪುಷ್ಪಗಳ ಸಹಿತ

ದಿಟ್ಟ ಮುತ್ತೈದೆಯರೆಲ್ಲ ಕರೆವರು

ಕೃಷ್ಣರಾಯನ ಪಟ್ಟದ ರಾಣಿಯೆ 

4

ಹತ್ತುವಿಧದ ವಾದ್ಯಗಳು ಮೊರೆಯೆ

ಚಿತ್ಪ್ರಕಾಶ ಜ್ಯೋತಿಗಳು ಹೊಳೆಯೆ

ಮತ್ತೆ ಗುರುರಾಮ ವಿಠಲನ ಸಹಿತ

ಚಿತ್ತೈಸಮ್ಮ ಚಿತ್ರಮಂಟಪದಲಿ 

5

***