ಪಂಕಜ ಪತಿ ಪಂಕಜ ಸಖ ಸಂಕಾಶಾನೇಕಾ ankita vijaya vittala

ಪಂಕಜ ಪತಿ |

ಪಂಕಜ ಸಖ ಸಂಕಾಶಾನೇಕಾ |

ಸಂಕಟಳಿದು ನಿಃಶಂಕನ ಮಾಡೊ |

ಅಂಕೆಯವನೆಂದು || ಪ

ಬಂದೆ ಎದುರಿಲಿ ನಿಂದೆ ಸಿರಬಾಗಿ |

ಒಂದೆ ವಂದನೆಯೆಂದೆ ಲೋಕದ ತಂದೆ ಮನಸಿಗೆ |

ತಂದೆ ನಿನಗ ಇಂದೆ ಅಂದದನು |

ಹಿಂದೆ ಯೆಸಗಿದ ದ್ವಂದ್ವ ಪಾಪಕೆ ಒಂದೆ ನಿನ್ನಂಘ್ರಿ |

ಎಂದೆಗೆಂದಿಗೆ ಮುಂದೆ ಜನನಗಳು 1

ನೋಡು ಎನ್ನ ಕೂಡಾಡು ದಯವನ್ನು |

ಮಾಡು ಮುದದಿಂದಲಾಡು ಮಾತನು | 

ನೀಡು ಕರುಣವ |

ಹೋಡುಗಾರರು ಬೀಡಿನೊಳಗಿದ್ದು |

ಕಾಡುವದು ನಾನಾಡಲೇನು |

ಈಡು ನಿನಗೆಲ್ಲಿ ನಾಡೊಳು ಕಾಣೆ 

ಮೂಡಲಾದ್ರಿ ನಿಲಯಾ 2

ಸಾರಿದೆನೊ ಮನಸಾರ ನಿನ್ನಂಘ್ರಿ ಸಾರಾ|

ಸಾರವೆಂಬದಾಸಾರವನು ನೂಕಿ |

ಸಾರ ಹೃದಯರ ಸಾಲೆಲಿರಸೆನ್ನ |

ಕಂಸಾರಿ ಪ್ರತಿದಿನ | 

ಸಾರಥಿಯಾಗೊ ಸಾರಿಸಾರಿಗೆ |

ಸಾರಬೋಕ್ತಾ ವಿಜಯವಿಠ್ಠಲ 

ಕೆಲಸಾರದೆ ಸಾರಲಿರೊ 3

*********