ಗೌರಿ ವರನೆ ಕಾಯೊ ಎನ್ನ ಧಾರುಣಿಯೊಳು ರಾಯ ankita karpara narahari

ಗೌರಿವರನೆ ಕಾಯೊ ಎನ್ನ

ಧಾರುಣಿಯೊಳು ರಾಯಕುಪ್ಪಿಸುಸದನ ಪ

ಮೂರುಲಿಂಗ ಸ್ವರೂಪದಲಿಯನ್ನ

ಮೂರು ತಾಪಗಳ ನೋಡಿಸಿ ಕರುಣದಲಿ

ಮೂರು ಸಾಧನವ ನೀಡುತಲಿ ಬಿಂಬಾ

ಮೂರುತಿಯನುಮನದಿ ಕಾಂಬುವಂದದಲಿ 1

ಕರುಣಾ ಕಟಾಕ್ಷದಿ ನೋಡೋ ಸದಾ

ಕರಿವರದನ ಗುಣಗಳನೆ ಕೊಂಡಾಡೋ

ಹರಿ ಭಕುತರ ಸಂಗ ನೀಡೋ ಭವ

ಶರಧಿಯಿಂದೆನ್ನನುದ್ಧರಿಸಿ ಕಾಪಾಡೋ 2

ಪಂಚಬಾಣನಗೆಲಿದಧೀರಾ ದ್ವಿ

ಪಂಚ ಕರಣಗಳಿಂ ಮಾಡಿಸು ಸದ್ವ್ಯಾಪಾರಾ

ಪಂಚಮುಖನೆ ಶ್ರೀಕಾರ್ಪರ ನರ

ಪಂಚಾನನಂಘ್ರಿ ಪಂಕಜ ಮಧುಕರ 3

****