ನಾರಾಯಣಾದ್ರಿ ಕೃತವಾಸ ಶರಣು ankita jagannatha vittala

ಜಗನ್ನಾಥದಾಸರು
ನಾರಾಯಣಾದ್ರಿ ಕೃತವಾಸಾ ಶರಣು l

ತೋರೈ ತವರೂಪ ರವಿಕೋಟಿಭಾಸಾ ll ಪ ll

ಆನತ ಜನಾಪ್ತ ನೀನೆಂಬೊ ನುಡಿಗೇಳಿ ಮಿಗೆ l

ಸಾನುರಾಗದಲಿ ನಡತಂದ ನಿನ್ನಯ ಬಳಿಗೆ l

ಮೀನಾಂಕಜನಕ ತವ ಪದಯುಗಾರ್ಚನೆ ಹೀಗೆ l

ಜ್ಞಾನ ಪೂರ್ವಕದಿಂದಲೆಸಗೆ l

ಪಾನೀಯಜಾಮ್ಬಕನೆ ಪೊರೆಯಂದೆ ನಿನಗೆ ll 1 ll

ವಾಸುಕಿ ತಪಕೆ ಸಲೆ ಮೆಚ್ಚಿ ಗಿರಿಯಲಿ ನಿಂದೆ l

ಆ ಸಲಿಲದೊಳು ನಿಂದು ಕರಿವರ ಕರಿಯೆ ಬಂದೆ l

ವಾಸವಾತ್ಮಜನು ಬಿನ್ನೈಸೆ ನಿನ್ನಯ ಮುಂದೆ l

ಆ ಸಮರದೊಳಗೊಲಿವೆನೆಂದೆ ನಿನಗೆ l

ಪಾಸಟಿನ್ನಾರು ನೀರಜಭವನ ತಂದೆ ll 2 ll

ಪೊಗಳಲರಿಯರು ಸುರರು ನಿನ್ನ ಮಹಿಮಾತಿಶಯ l

ಬಗೆಯನರಿಯಳು ಲಕುಮಿ ಬದರ ಸನ್ನಿಭಕಾಯ l

ಮುಗುಧ ಮಾನವ ತಿಳಿವದೇನೊ ತಿರುಮಲರಾಯ l

ಖಗರಾಜಗಮನ ಕಮನೀಯ ಪಾಹಿ l

ಜಗನ್ನಾಥವಿಠಲ ವಿಗತಾಘ ವಿಧುಗೇಯಾ ll 3 ll

******

ನಾರಾಯಣಾದ್ರಿ ಕೃತವಾಸ ಶರಣು
ತೋರಯ್ಯ ತವರೂಪ ರವಿಕೋಟಿಭಾಸ ಪ

ಆನತಜನಾಪ್ತ ನೀನೆಂಬೋ ನುಡಿಕೇಳಿ ಮಿಗೆ
ಸಾನುರಾಗದಲಿ ನಡೆತಂದೆ ನಿನ್ನ ಬಳಿಗೆ
ಮಿನಾಂಕಜನಕ ತವಪದಯುಗಾರ್ಚನೆ ಹೀಗೆ
e್ಞÁನ ಪೂರ್ವಕದಿಂದಲೆನಗೆ ದಯದಿ
ಪಾನೀಯಜಾಂಬಕನೆ ಪೊರೆಯೆಂದೆ ನಿನಗೆ 1

ವಾಸುಕೀ ತಪಕೆ ಸಲೆಮೆಚ್ಚಿ ಗಿರಿಯಲಿ ನಿಂದೆ
ಆ ಸಲಿಲದೊಳು ಮಿಂದು ಕರಿವರ ಕರೆಯೆ ಬಂದೆ ಸ್ವಾಮಿ
ವಾಸವಾತ್ಮಜನು ಬಿನ್ನೈಸೆ ನಿನ್ನಯ ಮುಂದೆ
ಆ ಸಮರದೊಳಗೊಲಿವನೆಂದೆ ನಿನಗೆ
ಪಾಸಟಿ ಯಾರು ನೀರಜಭವನ ತಂದೆ 2

ಸುರರು ನಿನ್ನ ಮಹಿಮಾತಿಶಯ
ಬಗೆಯನರಿಯಳು ಲಕುಮಿ ಬದರ ಸನ್ನಿಭಕಾಯ
ಮಾನವ ತಿಳಿವನೆನೋ ತಿರುಮಲರಾಯ
ಖಗÀರಾಜಗಮನ ಕಮನೀಯ ಪಾಹಿ
ಜಗನ್ನಾಥವಿಠಲ ವಿಗತಾಘ ಕವಿಗೇಯ 3
*********