ankita ಲಕುಮೀಶ
ರಾಗ: [ಹಿಂದೋಳ] ತಾಳ: [ಆದಿ]
ಬಂದಾನು ರಾಘವೇಂದ್ರ ಮಹಾರಥದೀ
ಬಂದಾನು ರಾಘವೇಂದ್ರ ಮಂತ್ರಾಲಯದಿ ಪ
ಸುಂದರ ವದನಾರವಿಂದ ಮುನೀಂದ್ರನು
ವಂದಿಪಸುಜನಕೆ ಸಂದೋಹವರವೀವ ಅ ಪ
ಸುಶಮೀಂದ್ರ ಕೃತ ದಿವ್ಯ ಮುನ್ನೂರ ಮೂವತ್ತ
ವಿಷು ಅಬ್ದ ಆರಾಧನೆ ಶ್ರಾವಣ ಕೃಷ್ಣಪಕ್ಷದೀ
ಎಸೆವ ತದಿಯ ಶ್ರೇಷ್ಠ ಕುಜವಾರ ದಿನದಂದು
ದಶಗ್ರೀವ ವೈರಿ ಧ್ಯಾನ ಹಸನಾಗಿ ಮಾಡುತಾ
ಕಸಿವಿಸಿ ನಾನಾ ವ್ಯಸನ ಭವಾಬ್ಧಿಯ
ನಸುನಕ್ಕು ದಾಟಿಸಿ ಸುಜನರ ರಕ್ಷಿಸೇ 1
ಮುಂಭಾಗದಲಿ ಬಲು ಗಾಂಭೀರ್ಯ ಗಮನದಿ
ಅಂಬಾರಿ ಗಜದಿಂದ ತುಂಬಾ ಜನಕೆ ಶೋಭಿಸೇ
ಕೊಂಬು ಕಹಳೆನಾದ ತಂಬಟಿ ನಾನಾ ವಾದ್ಯ
ಇಂಪಾದ ನಾಗಸ್ವರ ಸಂಭ್ರಮ ಛತ್ರಿ ಶೋಭಿಸೇ
ಕುಂಭಿನಿಸುತೆ ಶೀ ರಾಮಲಕ್ಷ್ಮಣ ವಾಯು
ಹಂಬಲ ವೇಷದಿ ತುಂಬೆ ಶೃತಿಯ ಘೋಷಾ 2
ಪ್ರಹ್ಲಾದ ವ್ಯಾಸರಾಜ ಉಲ್ಹಾಸದಿ ವರನೀಡೆ
ಚೆಲ್ವರಾಯರ ನಾಮ ಜಯ ಘೋಷದೀ
ಅಲ್ಲಲ್ಲಿ ಗುಂಪು ಭಕ್ತೆರಲ್ಲಾಭೀಷ್ಟಗಳ
ಸಲ್ಲಿಸುಯಂತೆಂದು ತಂಡೋಪ ತಂಡ ಪ್ರಾರ್ಥಿಸೇ
ಮಲ್ಲರಮುರಿದ ಶ್ರೀ ಲಕುಮೀಶ ದೇವನ
ನಿಲ್ಲದೆ ಪ್ರಾರ್ಥಿಸೆ ಅಭಯವ ನೀಡುತಾ 3
***
