( 24.02.21 ಬುಧವಾರ ) ಶ್ರೀ ಭಾವಿ ವಾಯುದೇವರ / ಶ್ರೀ ಭಾವಿ ಬ್ರಹ್ಮದೇವರಾದ ಶ್ರೀ ವಾದಿರಾಜ ಗುರುಸಾರ್ವಭೌಮರ ಜನುಮದಿನ "
" ಹರಿದಾಸರ ವದನಾರವಿಂದದಲ್ಲಿ ಹೊರಹೊಮ್ಮಿದ ಶ್ರೀ ವಾದಿರಾಜರ ಸ್ತೋತ್ರ "
ರಚನೆ : ಶ್ರೀ ವೈಕುಂಠ ದಾಸರು
ರಾಗ : ಮಖಾರಿ ತಾಳ : ಝ೦ಪೆ
ಕೊಂಡಾಡಬಹುದೆ ಯತೀಂದ್ರ ।
ಪಾಂಡವ ಪ್ರಿಯನಾ ಭಜಕ -
ವಾದಿರಾಜ ಯತೀ ।। ಪಲ್ಲವಿ ।।
ನಾನಾ ಜನುಮದಾ ।
ಯೋನಿ ಮುಖದಲಿ ಬಂದು ।
ಮಾನವಳಿದು ಜ್ಞಾನ ಶೂನ್ಯನಾಗಿ ।।
ದೀನ ಮನದಾ ಮೂಢ -
ಮನುಷ್ಯನಾಗಿಹೆ ।
ಹೀನ ಅಹಂಕಾರ ಪೂರಿತ -
ದೋಷಿಯಾ ।। ಚರಣ ।।
ಅರಿಷಡ್ವರ್ಗದೊಳು ಶಿಲುಕಿ -
ನರ ಗುರಿಯಾಗಿ ।
ಪರರ ವಾರ್ತಿಯ ಸವಿವ -
ಹಗಲು ಉರಳೂ ।
ದುರುಳ ದುಶ್ಚೇಷ್ಠಿಕನು
ಬಹುದುರಾತ್ಮನು ನಾನು ।
ಗುರು ಹಿರಿಯರಿಗೆ ಎರಗದ
ಗೂಢ ಪಾಪಿಯನು ।। ಚರಣ ।।
ಒಡೆಯ ವೈಕುಂಠ -
ವಿಠ್ಠಲನ ಭಜಿಸದೆ ।
ಪೊಡವಿಯೊಳು ಕ್ಷುದ್ರ -
ದೈವಗಳಿಗೆಲ್ಲ ।
ಪೊಡಮಡುತಿಹೆ ಸ್ವಾಮಿ
ದ್ರೋಹಿಯಾ ಗರುವಿಯಾ ।
ಕಡು ಪಾತಕನ್ನ ನಡತಿಯನು -
ನೀನರಿಯದಲೆ ।। ಚರಣ ।।
***
