ಬಂದೆ ಗುರುರಾಯ ನಿನ್ನ ಸಂದರುಶನವ ಬಯಸಿ ankita bheemesha vittala

 ankita ಭೀಮೇಶವಿಠಲ

ರಾಗ: ಬೇಗಡೆ ತಾಳ: ಏಕ

ಬಂದೆ ಗುರುರಾಯ ನಿನ್ನ ಸಂದರುಶನವ ಬಯಸಿ ಪ

ಬಂದೆನೊ ಭವದೊಳುನೊಂದು ನಿನ್ನ ಪಾದಾರ-

ವಿಂದವ ನೋಡ್ಯಾನಂದ ಪಡೆಯಲು ದಿನದಿನ ಅ.ಪ.

ಪರಿಪರಿಯಿಂದಲಿ ಪರಮನುಜರನನು-

ಸರಿಸಿದ ದೋಷ ಹರಿಪದೆಂದು ಬೇಡಿ ನಮಿಸುತಲಿ 1

ಸತತ ಸತಿಸುತರತತಿಗೆ ಮೋಹಿಸದೆ ಕೃತಿ-

ಪತಿಯ ಸ್ಮರಿಪ ಮತಿಯಬೇಡಿ ನಮಿಸುತಲಿ 2

ಕಠಿಣದಿ ಭೀಮೇಶವಿಠಲನೆ ನಿಮ್ಮ ನುಡಿ

ತೃಟಿಮೀರದೆ ತಾ ಥಟನೆ ಮಾಡುವದರಿತು 3

***