ಶುದ್ಧಿ ತಿಳಿಯೋ ನಿನ್ನ ಬುದ್ಧಿ ದೈವತ್ವವನ್ನ ಪ
ಹೊರಗೆ ನೋಡಬ್ಯಾಡ ತಿರುಗಿ ನೋಡೊ ಮೂಢ ಸೆರಗು ಬಲುಗೂಢ ಬೆರಯೊ ನಿಜಗಾಢ 1
ನಡೆ ಹೆಜ್ಜಿಮೆಟ್ಟಿ ಕೇಡಿಗ್ಯಾಗಿ ಕೆಟ್ಟ ನೋಡು ಮನಮುಟ್ಟಿ ಕೂಡು ನಿಜ ಘಟ್ಟಿ 2
ಬುದ್ಧಮುಕ್ತವೇನು ದ್ವಂದ್ವ ತಿಳಿಯೋ ನೀನು ಹೊಂದಿಹೊಳೆವನು ತಂದೆ ಸದ್ಗುರು ತಾನು 3
ಬುದ್ಧಿ ತಿಳಿಯದ್ಹೋಗಿ ಬಿದ್ಯೊ ಭವಕಾಗಿ ಶುದ್ಧಿ ಹೇಳಲಾಗಿ ಸದ್ಗುರು ನಿನಗಾಗಿ 4
ತಿಳಿದು ನಿಜಗತಿ ನೆಲೆಯಾಗೊ ಮಹಿಪತಿ ಹೊಳೆವ ವಸ್ತುನೀತಿ ಬಲಿಯೊ ನಿಜಸ್ಥಿತಿ 5
***
