bhuvanendra teertha, rayara mutt stutih
ರಾಗ : ಭೈರವಿ ತಾಳ : ಆದಿ
ಗುರುಗಳ ನೋಡಿರೈ । ಉತ್ತಮ ।
ವರಗಳ ಬೇಡಿರೈ ।। ಪಲ್ಲವಿ ।।
ದುರುಳ ತಿಮಿರ ದಿವಾಕರ ।
ಶರಣರ ಸುರತರು ।
ವರದೇಂದ್ರರ ಕರ ಪಂಕಜರುಹ ।। ಅ. ಪ ।।
ಮಂಗಳ ಸ್ವರೂಪ
ಮಧ್ವಮತಾಂಬುದಿ ಸೋಮ ।
ಸದ್ಗುಣ ಸೋಮ ।
ಪಿಂಗಳನಿಭ ಸಂನ್ಯಾಸ
ಕುಲೋತ್ತಮ ।
ನೀತಾ ಲೋಕ ವಿಖ್ಯಾತ ।।
ಸಂಗರಹಿತ ಕೌಪೀನ
ಕಮಂಡಲ ಧರ ।
ದೋಷ ವಿದೂರಾ ।
ಮಂಗಳೆ ಪತಿ ಪದ ಭಜಕ ।
ಅಘೋರಗ ವೀಂದ್ರ
ಶ್ರೀ ಭುವನೇಂದ್ರಾ ।। ಚರಣ ।।
ಜನ್ಮಾರಭ್ಯವು ಲೌಕಿಕ
ಸ್ವಪ್ನದೊಳಿರಿಯಾ ।
ಭೂಸುರ ವರ್ಯಾ ।
ಸುಮ್ಮನೆ ಈ ಪದ
ಪದವಿಯು ಜಗದೊಳು ।
ಬಹುದು ಆರಿಗೆ ಅಹುದು ।।
ಬೊಮ್ಮನ ಸಂತತಿಯಿದು
ಪುಸಿಯಲ್ಲ ಸತ್ಯಾ ।
ಭಜಿಸಿರಿ ನಿತ್ಯಾ ।
ಎಮ್ಮ ಬಳಿಯೊಳಿಹ
ದುಷ್ಟಮತೇ೦ಧನ ।
ದಾವಾ ಸೌಖ್ಯವನೀವಾ ।। ಚರಣ ।।
ಧಾರುಣಿಯೊಳು ವಿಸ್ತರಿದ
ಸ್ವಮತವ ।
ಧೀತ ಗುಣ ಗಂಭೀರಾ ।
ಆರಿಂದೊಶ ಚರಿತೆಯ
ಪೂರ್ತಿಸಿ ।
ಪೇಳ್ದದಕೆ ಬಹುಸುಖಿ
ಮನಕೆ ।।
ಶ್ರೀ ರಾಘವೇಂದ್ರರನುಗ್ರಹ ।
ಪಾರಾವಾರದೊಳಗೆ
ವಿಹಾರಾ ।
ಘೋರಿಸುತಿಹ ಸಂಸಾರ
ಸಮುದ್ರಕೆ ।
ಮುನಿಯೂ ಯತಿ
ಶಿರೋಮಣಿಯೂ ।। ಚರಣ ।।
ಚರಕಾಲ ಸುಕೃತ
ದೊರಕಲು ।
ವದಗುವುದು
ಸೇವೆಯಿವರದು ।
ಮರಳೊಂದ್ಯೋಚಿಸದೆ ।
ಶರಣಾಗತರಾಗೀ
ಚಿಂತೆಯ ನೀಗಿ ।।
ಎರವಿಲ್ಲದೆ ದುಃಖವ
ಪರಿಹರಿಪರು ।
ಹತ್ತೇ ಕರೆವರು ಮತ್ತೇ ।
ಸಿರಿ ಪೂರ್ಣಾಯು
ಸುತಾದಿ ।
ವಿಷಯಗಳ ಕೊಡುವ
ದುರಿತವ ತರಿವ ।। ಚರಣ ।।
ತವಕದೊಳಿವರ
ಪದಾಬ್ಜವ ।
ಸೇವಿಪ ಭಕ್ತ
ಜೀವನ್ಮುಕ್ತಾ ।
ಕುವಲಯದೊಳ-
ಗೀಗಿವರಿಗೆ ।
ಸರಿಯಾರಿಲ್ಲ
ಕೇಳಿರಿ ಸೊಲ್ಲಾ ।।
ಅವನೀಶರು
ಎಂಬಾಹ್ವಯ ।
ತಿಳಿಯಲಿಕುಂಟೇ
ಅಧಿಕರುವುಂಟೇ ।
ಇವರಿಗೆರಗದಿರೆ
ಒಲಿಯನು ।
ಶ್ರೀ ಪ್ರಾಣೇಶವಿಠಲನು
ಲೇಶಾ ।। ಚರಣ ।।
***
