ಬಾರೋ ಸಾಧನ ಕೇರಿಗೆ - written by ದ ರಾ ಬೇಂದ್ರೆ
Listen this Bhavageete from horse's mouth👇👇
da.ra.bendre - wonderful
ಬಾರೊ ಸಾಧನಕೇರಿಗೆ,
ಮರಳಿ ನಿನ್ನೀ ಊರಿಗೆ....
ಮಳೆಯು ಎಳೆಯುವ ತೇರಿಗೆ
ಹಸಿರು ಏರಿದೆ ಏರಿಗೆ
ಹಸಿರು ಸೇರಿದೆ ಊರಿಗೆ
ಹಸಿರು ಚಾಚಿದೆ ದಾರಿಗೆ
ನಂದನದ ತುಣುಕೊಂದು ಬಿದ್ದಿದೆ
ನೋಟ ಸೇರದು ಯಾರಿಗೆ?
ಮಲೆಯ ಮೊಗವೇ ಹೊರಳಿದೆ,
ಕೋಕಿಲಕೆ ಸವಿ ಕೊರಳಿದೆ,
ಬೇಲಿಗೂ ಹೂ ಬೆರಳಿದೆ,
ನೆಲಕೆ ಹರೆಯವು ಮರಳಿದೆ.
ಭೂಮಿತಾಯ್ ಒಡಮುರಿದು ಎದ್ದಳೊ,
ಶ್ರಾವಣದ ಸಿರಿ ಬರಲಿದೆ.
ಮೋಡಗಳ ನೆರಳಾಟವು,
ಅಡವಿ ಹೂಗಳ ಕೂಟವು,
ಕೋಟಿ ಜೆನ್ನೊಣಕೂಟವು,
ಯಕ್ಷಿ ಮಾಡಿದ ಮಾಟವು.
ನೋಡು ಬಾ ಗುಂಪಾಗಿ ಪಾತರ-
ಗಿತ್ತಿ ಕುಣಿಯುವ ತೋಟವು.
ಮರವು ಮುಗಿಲಿಗೆ ನೀಡಿದೆ.
ಗಿಡದ ಹೊದರೊಳು ಹಾಡಿದೆ
ಗಾಳಿ ಎಲ್ಲೂ ಆಡಿದೆ
ದುಗುಡ ಇಲ್ಲಿಂದೋಡಿದೆ
ಹೇಳು ಗೆಳೆಯಾ ಬೇರೆ ಎಲ್ಲೀ
ತರದ ನೋಟವ ನೋಡಿದೆ?
- ಅಂಬಿಕಾತನಯದತ್ತ
***
- Da. Ra. Bendre ಕಾವ್ಯನಾಮ - ಅಂಬಿಕಾತನಯದತ್ತ
baa bArO, bArO bArO
bArO sAdhanakErige maraLi ninnee oorige ||
maLeyu eLeyuva tErige
hasiru Eride Erige
hasiru sEride oorige
hasiru chAchide dArige
nandanada tuNukondu biddide
nOTa sEradu yArige?
maleya mogavE horaLide
kOkilake savi koraLide
bEligu hoo beraLide
nelake hareyavu maraLide
bhoomi taay oDamuridu eddaLo
shrAvaNada siri baralide
maravu mugilige neeDide
giDada hoodaroLu hADide
gALi elloo ADide
duguDa illindODide
hELu geLeya bEre elli
ee tarada nOTava nODide?
***
