ರಾಗ – : ತಾಳ –
ಯಾಕೆಲೋ ರಂಗ l ನಿನ್ನರಸಿಯೊಳು ಮುನಿದಿರುವೆ l
ಲೋಕವೀರೇಳು ರಕ್ಷಿಪ ಮುದ್ದು ರಂಗಾ ll ಪ ll
ನಾಲ್ಕನೆಯ ಅವತಾರದಲಿ ಉಗ್ರವಾಗಿರೆ l
ಆ ಕಮಲಜ ಮುಖ್ಯ ಬೆದರುತಿರಲು l
ಲಕುಮಿ ತಾಕಂಡು ತೊಡೆಮೇಲೆ ಕುಳ್ಳಿರಲು l
ಈ ಲೋಕದೊಳು ಶಾಂತನೆನಿಸಿದಳೊ ನಿನ್ನರಸಿ ll 1 ll
ಗುಂಜೆಯಮಾಲೆ ಕೊರಳಿಗೆ ಹಾಕಿ ಗೋವಳರ l
ಎಂಜಲ ತಿನುತ ಗೋಗಳ ಕಾಯುತಿರಲು l
ಕಂಜನಯನೆಯು ಬಂದು ಸಕಲ ಶಿರಿಯಿಂದಲಿ l
ರಂಜಿಸಿದಳೊ ಜಗದೊಳಗೆ ನಿನ್ನ ಅರಸಿ ll 2 ll
ಇಂತರಿದು ನಾನಾಪರಿಯಿಂದ ನಿನ್ನ ಮೇಲೆ l
ಸಂತತ ಉಪಕಾರ ಮಾಡಿರೆ ನೀನು l
ಕಂತುಮಾತೆಯ ತಪ್ಪು ನೋಡುವರೇನೋ l ಆ-
ನಂತನೇ ಏಳು ಮಹಿಪತಿನಂದನೊಡೆಯಾ ll 3 ll
***
