ಎಲ್ಲಾನು ಬಲ್ಲೆನೆಂಬುವಿರಲ್ಲ ಎಲ್ಲವನು purandara vittala ELLANU BALLENEMBUVIRALLA ELLAVANU

raga ಮಧ್ಯಮಾವತಿ

ಪುರಂದರದಾಸರು

ಎಲ್ಲಾನು ಬಲ್ಲೆನೆಂಬುವಿರಲ್ಲ
ಅವಗುಣ ಬಿಡಲಿಲ್ಲ ||ಪ||

ಸೊಲ್ಲಿಗೆ ಶರಣರ ಕಥೆಗಳ ಪೇಳುತ
ಅಲ್ಲದ ನುಡಿಯನು ನುಡಿಯುವಿರಲ್ಲ ||ಅ||

ಕಾವಿಯನುಟ್ಟು ತಿರುಗುವಿರಲ್ಲ, ಕಾಮವ ಬಿಡಲಿಲ್ಲ
ನೇಮ ನಿಷ್ಠೆಗಳ ಮಾಡುವಿರಲ್ಲ, ತಾಮಸ ಬಿಡಲಿಲ್ಲ
ತಾವೊಂದರಿಯದೆ ಪರರನು ತಿಳಿಯದೆ, ಶ್ವಾನನ ಕುಳಿಯಲಿ ಬೀಳುವಿರಲ್ಲ ||

ಗುರುಗಳ ಸೇವೆ ಮಾಡಿದರಿಲ್ಲ , ಗುರುತಾಗಲಿಲ್ಲ
ಪರಿಪರಿ ದೇಶವ ತಿರುಗಿದರಿಲ್ಲ, ಪೊರೆಯುವರಿನ್ನಿಲ್ಲ
ಅರಿವೊಂದರಿಯದೆ ಆಗಮ ತಿಳಿಯದೆ, ನರಕಕೂಪದಲಿ ಬೀಳುವಿರಲ್ಲ ||

ಬ್ರಹ್ಮ ಜ್ಞಾನಿಗಳು ಎನಿಸುವಿರಲ್ಲ, ಹಮ್ಮು ಬಿಡಲಿಲ್ಲ
ಸುಮ್ಮನೆ ಯಾಗವ ಮಾಡುವಿರಲ್ಲ, ಸುಳ್ಳನು ಬಿಡಲಿಲ್ಲ
ಗಮ್ಮನೆ ಪುರಂದರವಿಠಲನ ಪಾದಕೆ, ಹೆಮ್ಮೆ ಬಿಟ್ಟು ನೀವೆರಗಲೆ ಇಲ್ಲ ||
****

ರಾಗ ಮಧ್ಯಮಾವತಿ. ಆದಿ ತಾಳ (raga, taala may differ in audio)

pallavi

ellAnu ballenembuviralla ava guNa biDalilla

anupallavi

sollige sharaNara kathegaLa pELuta allada nuDiyanu nuDiyuviralla

caraNam 1

kAviyanuTTu tiruguviralla kAmava biDalilla nEma niSTegaLa mADuviralla

tAmasa biDalilla tAvondariyade pararanu tiLiyade shvAnana kuLiyali bILuvarilla

caraNam 2

gurugaLa sEve mADidarilla gurutAgavilla paripari dEshava tirugidarilla

poreyuvarinnilla arivondariyade Agama tiLiyade naraka rUpadali bILuviralla

caraNam 3

brahma jnAnigaLu enisuviralla hammu biDalilla summane yAgava mADuviralla

suLLanu biDalilla gmmane purandara viTTalana pAdake hemme biTTu nIveragale illa

***

ಎಲ್ಲವನು ಬಲ್ಲೆನೆನ್ನುವಿರಲ್ಲಸಲ್ಲದಗುಣಬಿಡಲಿಲ್ಲ ಪ.

ಸೊಲ್ಲಿಗೆ ಶರಣರ ಕಥೆಗಳ ಪೇಳುತಅಲ್ಲದನುಡಿಗಳ ನುಡಿಯುವಿರಲ್ಲಅಪಕಾವಿಯನುಟ್ಟು ತಿರುಗುವಿರಲ್ಲಕಾಮವ ಬಿಡಲಿಲ್ಲನೇಮ - ನಿಷ್ಠೆಗಳ ಮಾಡವಿರಲ್ಲತಾಮಸ ಬಿಡಲಿಲ್ಲತಾವೊಂದರಿಯದೆ ಪರರಲಿ ತಿಳಿಯದೆಕೀವದ ಕುಳಿಯಲಿ ಬೀಳುವಿರಲ್ಲ 1

ಗುರುಗಳ ಸೇವೆಯ ಮಾಡಿದಿರಲ್ಲಗುರುತಾಗಲೆ ಇಲ್ಲಪರಿಪರಿ ದೇಶವ ತಿರಿಗಿದಿರಲ್ಲಪೊರೆಯುವರಿನ್ನಿಲ್ಲಅರಿವೊಂದರಿಯದೆಆಗಮ ತಿಳಿಯದೆನರಕಕೂಪದಲಿ ಬೀಳುವಿರಲ್ಲ 2

ಬ್ರಹ್ಮಜ್ಞಾನಿಗಳೆನಿಸುವಿರಲ್ಲಹಮ್ಮನು ಬಿಡಲಿಲ್ಲಸುಮ್ಮನೆ ಯಾಗವ ಮಾಡುವಿರಲ್ಲಹೆಮ್ಮೆಯ ಬಿಡಲಿಲ್ಲಗಮ್ಮನೆ ಪುರಂದರವಿಠಲನ ಪಾದಕೆಒಮ್ಮೆಯಾದರು ನೀವೆರಗಲೆ ಇಲ್ಲ 3
***

from Haridasa Hrudaya grantha

ಆತ್ಮವಂಚನೆ ತರವಲ್ಲ

ಬುದ್ಧಿಜೀವಿ ಎನಿಸಿಕೊಂಡ ಮನುಷ್ಯ ತನ್ನ ನಡೆ ನುಡಿ ಕರ್ಮಗಳಲ್ಲಿ ಏಕರೂಪತೆ ಉಳ್ಳವನಾಗಿರಬೇಕು.  ಇಲ್ಲವಾದಲ್ಲಿ ಅದು ದಾಂಭಿಕತನವಾಗುತ್ತದೆ.  ಆತ್ಮವಂಚನೆ ಎನಿಸುತ್ತದೆ.  ಇದರ ಬಗ್ಗೆ ವಿಶ್ಲೇಷಣೆಯನ್ನು ಶ್ರೀಪುರಂದರದಾಸರು ತಮ್ಮ ಕೃತಿಯಲ್ಲಿ ಮಾಡಿ ಎಲ್ಲರ ಕಣ್ಣು ತೆರೆಸುವರು.  

ಎಲ್ಲಾನು ಬಲ್ಲೆನೆಂಬುವಿರಲ್ಲ l  ಅವಗುಣ ಬಿಡಲಿಲ್ಲ ll ಪ ll

ಸೊಲ್ಲಿಗೆ ಶರಣರ ಕಥೆಗಳ ಪೇಳುತ l

ಅಲ್ಲದ ನುಡಿಯನು ನುಡಿಯುವಿರಲ್ಲ ll ಅ ಪ ll

ನನ್ನ ಸಮಾನರಾರು ಎಂಬ ಅಹಂಭಾವ ತರವಲ್ಲ.  ಇದನ್ನು ಅವಗುಣ - ದುರ್ಗುಣ ಎಂದರು.  ಶ್ರೀಮದಾಚಾರ್ಯರ ನಿರ್ಣಯಕ್ಕೆ ವಿರುದ್ಧವಾಗಿ ಏನೇ ಹೇಳಿದರೂ ಅದು ಯಥಾರ್ಥವಾಗದು.

ಕಾವಿಯನುಟ್ಟು ತಿರುಗುವಿರಲ್ಲ l ಕಾಮನ ಬಿಡಲಿಲ್ಲ l

ನೇಮನಿಷ್ಠೆ ವ್ರತ ಮಾಡುವಿರಲ್ಲ l ತಾಮಸ ಬಿಡಲಿಲ್ಲ l

ತಾವೊಂದರಿಯದೆ ಪರರನು ತಿಳಿಯದೆ l

ಶ್ವಾನನ ಕುಳಿಯಲಿ ಬೀಳುವಿರಲ್ಲ ll 1 ll

ಸಮಾಜದಲ್ಲಿ ವರ್ಣ - ಆಶ್ರಮಗಳಿಗೆ ಅನುಚಿತವಾಗಿ ನಡೆಯುವ ಅನೇಕ ಜನರನ್ನು ಕಾಣುತ್ತೇವೆ.  ಕಾಮಕ್ರೋಧಾದಿಗಳನ್ನು ಜಯಿಸಿದವರು ವಿರಳ.  ಜೀವನದಲ್ಲಿ ಅಂತಃಕರಣ ಶುದ್ಧಿಯಿಲ್ಲದೆ ಮಾಡುವುದೆಲ್ಲವೂ ವ್ಯರ್ಥವೆ.

ಗುರುಗಳ ಸೇವೆ ಮಾಡಿದಿರಲ್ಲ l ಗುರುತಾಗಲಿಲ್ಲ l

ಪರಿಪರಿ ದೇಶವ ತಿರುಗಿದಿರಲ್ಲ l ಪೊರೆಯುವರಿನ್ನಿಲ್ಲ l

ಅರಿವೊಂದರಿಯದೆ ಆಗಮ ತಿಳಿಯದೆ l

ನರಕಕೂಪದಲಿ ಬೀಳುವಿರಲ್ಲ ll 2 ll

ಒಣ ಪ್ರತಿಷ್ಠೆ, ಸ್ವಾರ್ಥಾದಿಗಳಿಂದ ಏನು ಮಾಡಿದರೂ ಭಗವಂತ ಗುರುತಿಸ.  ಸದಾಗಮಗಳ ಅಧ್ಯಯನವಾಗದೆ ಏನು ಮಾಡಿದರೇನು ನರಕತಪ್ಪದು ಎನ್ನುವರು.

ಬ್ರಹ್ಮಜ್ಞಾನಿಗಳೆನಿಸುವಿರಲ್ಲ l ಹಮ್ಮು ಬಿಡಲಿಲ್ಲ l

ಸುಮ್ಮನೆ ಯಾಗವ ಮಾಡುವಿರಲ್ಲ l ಸುಳ್ಳನು ಬಿಡಲಿಲ್ಲ l

ಗಮ್ಮನೆ ಪುರಂದರವಿಟ್ಠಲನ ಪಾದಕೆ l

ಹೆಮ್ಮು ಬಿಟ್ಟು ನೀವರಗತಿ ಇಲ್ಲ ll 3 ll - ಶ್ರೀಪುರಂದರದಾಸರು

ಅಷ್ಟಿಷ್ಟು ಶಾಸ್ತ್ರಾಧ್ಯಯನ ಮಾಡಿ 'ಪಂಡಿತೋಹಂ' ಎನ್ನುತ್ತ, ಅಹಂಕಾರ ಮಮಕಾರಗಳಿದ್ದರೇನು ಫಲ.  'ವಿದ್ಯಾದದಾತಿ ವಿನಯಂ' ಎಂಬ ಮಾತಿಗೆ ವಿರುದ್ಧವಾಗದೆ ?  ಪ್ರತಿಷ್ಠೆ, ಪ್ರಖ್ಯಾತಿ - ಪ್ರಚಾರಕ್ಕಾಗಿ ಏನು ಮಾಡಿದರೂ ವ್ಯರ್ಥವೇ ಸರಿ.  ಎಲ್ಲಕ್ಕೂ ಮಿಗಿಲಾಗಿ ಶ್ರೀಪುರಂದರವಿಟ್ಠಲನ ಪಾದಕ್ಕೆರಗಿ ಬಾಳುವುದೇ ಸೂಕ್ತ, ಶಾಸ್ತ್ರವಿದಿತ.

***