ರಾಗ ತೋಡಿ ಛಾಪುತಾಳ
ಎಲ್ಲ್ಯಾಡಿ ಓಡಿ ಬಂದ್ಯೋ ಗೋವಿಂದ ||ಪ||
ಚೆಲುವ ಫುಲ್ಲಲೋಚನ ಮದನ ಗೋಪಾಲಕೃಷ್ಣ ||ಅ||
ಆಡಿ ಬಂದ್ಯೊ ಮಕ್ಕಳೊಡನೆ ಕೈಲಿ ಚೆಂಡು
ಬೇಡ ಬಂದ್ಯೊ , ದುಷ್ಕೃತದ ಬಂಧನ ಭವ
ದೂಡ ಬಂದ್ಯೊ , ಭಕ್ತಜನಕೆ ಅಭಯಹಸ್ತ
ನೀಡಬಂದ್ಯೊ , ನಿನ್ನ ಎಳೆ ಉಗುರು ಮುಖಕಾಂತಿ ಬಾಡಿದವು ಕೃಷ್ಣ ||
ತುಳಿದು ಬಂದ್ಯೊ ವಿಷದ ಕಾಳಿಂಗನಾಗನ
ಇಳುಹಿ ಬಂದ್ಯೊ ತಾಳಮರಂಗಳನಂಬಿನಲ್ಲಿ
ಕಳುಹಿ ಬಂದ್ಯೊ ಬಾಣಮುಖದಿಂದ ವಾಲಿಯ
ತಿಳಿದು ಬಂದ್ಯೊ ಮುನೀಶ್ವರರ ನಿನ್ನ ಜಡೆಯ ಆಭರಣ ಸಡಲಿದುವು ಕೃಷ್ಣ ||
ಉಂಡು ಬಂದ್ಯೊ ಮಕ್ಕಳೊಡನೆ ಕೈಲಿ ಬುತ್ತಿ
ಕೊಂಡು ಬಂದ್ಯೊ ಮಲ್ಲ ರಕ್ಕಸರ ಮಸ್ತಕ
ಚೆಂಡಾಡಿ ಬಂದ್ಯೊ ಪೂತನಿಯ ಕಾಯುವನು
ಪುಂಡರೀಕಾಕ್ಷ ಪೇಳೆನಗೆ ಈ ಭಂಡತನ ಬೇಡ ಪುರಂದರವಿಠಲ ||
*********
ಎಲ್ಲ್ಯಾಡಿ ಓಡಿ ಬಂದ್ಯೋ ಗೋವಿಂದ ||ಪ||
ಚೆಲುವ ಫುಲ್ಲಲೋಚನ ಮದನ ಗೋಪಾಲಕೃಷ್ಣ ||ಅ||
ಆಡಿ ಬಂದ್ಯೊ ಮಕ್ಕಳೊಡನೆ ಕೈಲಿ ಚೆಂಡು
ಬೇಡ ಬಂದ್ಯೊ , ದುಷ್ಕೃತದ ಬಂಧನ ಭವ
ದೂಡ ಬಂದ್ಯೊ , ಭಕ್ತಜನಕೆ ಅಭಯಹಸ್ತ
ನೀಡಬಂದ್ಯೊ , ನಿನ್ನ ಎಳೆ ಉಗುರು ಮುಖಕಾಂತಿ ಬಾಡಿದವು ಕೃಷ್ಣ ||
ತುಳಿದು ಬಂದ್ಯೊ ವಿಷದ ಕಾಳಿಂಗನಾಗನ
ಇಳುಹಿ ಬಂದ್ಯೊ ತಾಳಮರಂಗಳನಂಬಿನಲ್ಲಿ
ಕಳುಹಿ ಬಂದ್ಯೊ ಬಾಣಮುಖದಿಂದ ವಾಲಿಯ
ತಿಳಿದು ಬಂದ್ಯೊ ಮುನೀಶ್ವರರ ನಿನ್ನ ಜಡೆಯ ಆಭರಣ ಸಡಲಿದುವು ಕೃಷ್ಣ ||
ಉಂಡು ಬಂದ್ಯೊ ಮಕ್ಕಳೊಡನೆ ಕೈಲಿ ಬುತ್ತಿ
ಕೊಂಡು ಬಂದ್ಯೊ ಮಲ್ಲ ರಕ್ಕಸರ ಮಸ್ತಕ
ಚೆಂಡಾಡಿ ಬಂದ್ಯೊ ಪೂತನಿಯ ಕಾಯುವನು
ಪುಂಡರೀಕಾಕ್ಷ ಪೇಳೆನಗೆ ಈ ಭಂಡತನ ಬೇಡ ಪುರಂದರವಿಠಲ ||
*********
