100% doubt exists-
*Anyway those who believe in Rayara Mutt please sing the first one, others sing the second one. ಆದರೆ, ಕೇಳಲು ಇಂಪಾಗಿರಲಿ ಅಷ್ಟೇ. ಶ್ರುತಿಬದ್ಧವಾಗಿ ಹಾಡಿರಿ. 😀😀
FIRST ONE
ರಾಗ : ಕಾಂಬೋಧಿ ತಾಳ : ಝಂಪೆ
ವೃಂದಾವನಗಳಿಗೆ -
ಆನಮಿಪೆ ನಿತ್ಯಾ ।
ನಂದತೀರ್ಥರ ಮಧ್ವ-
ಮತೋದ್ಧಾರರೆನಿಪರ । ನವ ।। ಪಲ್ಲವಿ ।।
ವರ ಮಧ್ವಮುನಿ ವಿಮಲ -
ಕರಪದ್ಮ ಸಂಜಾತ ।
ಗುರು ಪದ್ಮನಾಭ ಜಯ-
ಮುನಿ* ಕವೀಂದ್ರ । ತತ್ಕ ।
ರೋರುಹ ಜಾತ
ವಾಗೀಶತೀರ್ಥ ಮುನಿ ।
ವಾರಿಯ ಗೋವಿಂದಾಖ್ಯ-
ರೊಡೆಯರ ಪವಿತ್ರ ತಮ ।। ಚರಣ ।।
ವ್ಯಾಸರಾಯರ ಶ್ರೀನಿವಾಸ-
ಮುನಿ ರಾಮಮುನಿ ।
ಶ್ರೀ ಸುರೇಂದ್ರ ಪೌತ್ರರ-
ಸುಧೀಂದ್ರರ ।
ಭೂಸುರರು ಇವರ -
ಸಂತೋಷದಲಿ ಸ್ಮರಿಸಿ । ನಿ ।
ರ್ದೋಷರನು ಮಾಡಿ -
ಅಭಿಲಾಷೆ ಪೂರೈಸುವರ ।। ಚರಣ ।।
ದೇವತೆಗಳು ಇವರು -
ಸಂದೇಹ ಬಡಸಲ್ಲ । ಮಿ ।
ಥ್ಯಾವಾದಿಗಳ ಪರಾಭವ ಮಾಡಿ ।
ಈ ವಸುಂಧರೆಯೊಳಗೆ -
ಕೀರ್ತಿಯುತರಾಗಿ । ಲ ।
ಕ್ಷ್ಮೀವರ ಜಗನ್ನಾಥ-
ವಿಠ್ಠಲನ ಐದಿಹರು ।। ಚರಣ ।।
***
SECOND ONE
೧೯೯೨ರ ಮೈಸೂರು ವಿಶ್ವವಿದ್ಯಾಲಯದ ಪಾಠ
ವೃಂದಾವನಗಳಿಗೆ ಆನಮಿಪೆ ನಿತ್ಯಾ-
ನಂದತೀರ್ಥರ ಮತೋದ್ಧಾರಕರೆನಿಪ ನವ |
ವರ ಮಧ್ವಮುನಿ ವಿಮಲಕರ ಪದ್ಮ ಸಂಜಾತ
ಗುರು ಪದ್ಮನಾಭ ರಾಮರ ಕವೀಂದ್ರ ತತ್
ಕರ ಸರೋರುಹ ಜಾತ ವಾಗೀಶಮುನಿ ರಘು-
ವರ್ಯ ಗೋವಿಂದಾಖ್ಯ ಒಡೆಯರ ಪವಿತ್ರತಮ |
ಶ್ರೀ ಸುಧೀಂದ್ರಾರ್ಯರ ಪ್ರಪುತ್ರರೆನಿಪ ಸುಧೀಂದ್ರ
ವ್ಯಾಸರಾಯ ಶ್ರೀನಿವಾಸ ಮುನಿಯಾ
ಭೂಸುರರು ಪರಮ ಸಂತೋಷದಲಿ ಸ್ಮರಿಸೆ ನಿ-
ರ್ದೋಷರನೆ ಮಾಡಿ ಅಭಿಲಾಷೆ ಪೂರೈಸುತಿಹ |
ದೇವತೆಗು ಇವರು ಸಂದೇಹ ಬಡೆ ಸಲ್ಲ, ಮಿ-
ಥ್ಯಾವಾದಿಗಳ ಪರಾಭವ ಮಾಡಿ
ಈ ವಸುಂಧರೆಯೊಳಗೆ ಕೀರ್ತಿಯುತರಾಗಿ, ಲ-
ಕ್ಷ್ಮೀವರ ಜಗನ್ನಾಥವಿಠಲನ ಐದಿಹರ |
****
ನವ ವೃಂದಾವನದ ಯತಿಗಳು
ಶ್ರೀ ಪದ್ಮನಾಭತೀರ್ಥರು (1324); ಶ್ರೀ ಜಯತೀರ್ಥರು (1388) as per Rayara Mutt / ರಘುವರ್ಯ ತೀರ್ಥರು (1557) as per Uttaradi Mutt and other mutts; ಶ್ರೀ ಕವೀಂದ್ರತೀರ್ಥರು (1398); ಶ್ರೀ ವಾಗೀಶತೀರ್ಥರು (1406); ಶ್ರೀ ಗೋವಿಂದ ಒಡೆಯರು (1534); ಶ್ರೀ ವ್ಯಾಸರಾಜ ಗುರುಸಾರ್ವಭೌಮರು (1539); ಶ್ರೀ ಶ್ರೀನಿವಾಸತೀರ್ಥರು (1564); ಶ್ರೀ ರಾಮತೀರ್ಥರು (1584); and ಶ್ರೀ ಸುಧೀಂದ್ರತೀರ್ಥರು (1623);
ಶ್ರೀ ಸುರೇಂದ್ರ ಪೌತ್ರರ ಸುಧೀಂದ್ರರ - ಅಂದರೆ.....ಶ್ರೀ ಸುರೇಂದ್ರತೀರ್ಥರ ಪುತ್ರ ಶ್ರೀ ವಿಜಯೀಂದ್ರತೀರ್ಥರು - ಶ್ರೀ ವಿಜಯೀಂದ್ರತೀರ್ಥರ ಪುತ್ರ ಶ್ರೀ ಸುಧೀಂದ್ರತೀರ್ಥರು!
ಆದುದರಿಂದ ಶ್ರೀ ಸುಧೀಂದ್ರತೀರ್ಥರು ಶ್ರೀ ಸುರೇಂದ್ರತೀರ್ಥರಿಗೆ ಪೌತ್ರರು!
ಇಲ್ಲಿ ನೆಲೆಸಿದ ನವ ಯತಿಗಳು ದೇವತೆಗಳು.
ಪರವಾದಿಗಳನ್ನು ಜಯಿಸಿ ದ್ವೈತ ಮತದ ವಿಜಯ ಪತಾಕೆಯನ್ನು ಹಾರಿಸಿ - ಆಚಂದ್ರಾರ್ಕವಾದ ಕೀರ್ತಿಯನ್ನು ಗಳಿಸಿ - ಲಕ್ಷ್ಮೀಪತಿಯೂ - ಜಗನ್ನಾಥನೂ ಆದ ಶ್ರೀ ಹರಿಯನ್ನು ಹೊಂದಿದರು ( ಐದಿಹರು) ಎಂದು ಪರಿಶುದ್ಧವಾದ ಅರ್ಥ.
****
