.
ಶೋಭಾನವೆನ್ನಿರೆ ಸುರರೊಳು ಸುಭಗನಿಗೆ ಶೋಭಾನವೆನ್ನೀ ಸುಗುಣನಿಗೆ |
ಶೋಭಾನವೆನ್ನಿರೆ ತ್ರಿವಿಕ್ರಮರಾಯನಿಗೆ ಶೋಭಾನವೆನ್ನೀ ಸುರಪ್ರಿಯಗೆ || ಶೋಭಾನೆ ||
ಹಡಗಿನೊಳಗಿಂದ ಬಂದ ಕಡು ಮುದ್ದು ಕೃಷ್ಣ ಕಡಗೋಲ ನೇಣ ಪಿಡಿದನೇ |
ಕಡುಗೋಲ ನೇಣ ಪಿಡಿದ ದೇವಕಿಯ ತನಯಗಾರುತಿಯ ಬೆಳಗೀರೆ || ೧ ||
ಆಚಾರ್ಯರ ಕೈಯಿಂದ ಅಧಿಕ ಪೂಜೆಯಕೊಂಬ ಕಾಂತೆ ಲಕ್ಷ್ಮೀಯ ಅರಸಗೆ |
ಕಾಂತೆ ಲಕ್ಷ್ಮೀಯ ಅರಸ ಶ್ರೀಕೃಷ್ಣಗೆ ಕಾಂಚನದಾರುತಿ ಬೆಳಗೀರೆ || ೨ ||
ಮಧ್ವ ಸರೋವರದಿ ಶುದ್ಧ ಪೂಜೆಯಕೊಂಬ ಮುದ್ದು ರುಕ್ಮಿಣಿಯ ಅರಸಗೆ |
ಮುದ್ದು ರುಕ್ಮಿಣಿಯ ಅರಸ ಶ್ರೀಕೃಷ್ಣಗೆ ಮುತ್ತಿನಾರುತಿಯ ಬೆಳಗೀರೆ || ೩ ||
ಪಾಂಡವರ ಪ್ರೀಯಗೆ ಚಾಣೂರ ಮರ್ದನಗೆ ಸತ್ಯಭಾಮೆಯ ಅರಸಗೆ |
ಸತ್ಯಭಾಮೆಯ ಅರಸ ಶ್ರೀಕೃಷ್ಣಗೆ ನವರತ್ನದಾರುತಿ ಬೆಳಗೀರೆ || ೪ ||
ಸೋದರ ಮಾವನ ಮಧುರೆಯಲಿ ಮಡುಹಿದ ತಾಯಿಯ ಸೆರೆಯ ಬಿಡಿಸಿದ |
ತಾಯಿಯ ಸೆರೆಯ ಬಿಡಿಸಿದ ಹಯವದನ ದೇವಗಾರುತಿಯ ಬೆಳಗೀರೆ || ೫ ||
ಮುತ್ತೈದೆಯರೆಲ್ಲರೂ ಮುತ್ತಿನಾರುತಿಯೆತ್ತಿ ಹತ್ತಾವತಾರದ ಹಯವದನಗೆ ||
ಹತ್ತಾವತಾರದ ಹಯವದನ ದೇವಗೆ ಹೊಸ ಮುತ್ತಿನಾರುತಿ ಬೆಳಗೀರೆ || ೬ ||
ಭಾರತಿ ರಾಮನ ಮುಖ್ಯಪ್ರಾಣಾಂತರ್ಗತ ಶ್ರೀ ಕೃಷ್ಣಾರ್ಪಣಮಸ್ತು
***
Śōbhānavennire suraroḷu subhaganige śōbhānavennī suguṇanige |
śōbhānavennire trivikramarāyanige śōbhānavennī surapriyage || śōbhāne ||
haḍaginoḷaginda banda kaḍu muddu kr̥ṣṇa kaḍagōla nēṇa piḍidanē |
kaḍugōla nēṇa piḍida dēvakiya tanayagārutiya beḷagire || 1 ||
ācāryara kaiyinda adhika pūjeyakomba kānte lakṣmīya arasage |
kānte lakṣmīya arasa śrīkr̥ṣṇage kān̄canadāruti beḷagire || 2 ||
madhva sarōvaradi śud’dha pūjeyakomba muddu rukmiṇiya arasage |
muddu rukmiṇiya arasa śrīkr̥ṣṇage muttinārutiya beḷagire || 3 ||
pāṇḍavara prīyage cāṇūra mardanage satyabhāmeya arasage |
satyabhāmeya arasa śrīkr̥ṣṇage navaratnadāruti beḷagire || 4 ||
sōdara māvana madhureyali maḍ’̔uhida tāyiya sereya biḍisida |
tāyiya sereya biḍisida hayavadana dēvagārutiya beḷagire || 5 ||
muttaideyarellarū muttinārutiyetti hattāvatārada hayavadanage ||
hattāvatārada hayavadana dēvage hosa muttināruti beḷagīre || 6 ||
bhārati rāmana mukhyaprāṇāntargata śrī kr̥ṣṇārpaṇamastu
***
