ಆರುತಿ ಬೆಳಗೋಣ ಮುತ್ತಿನಾರತಿ ಮಾಡೋಣ others

  

Restart mobile & try if the above audio is not playing

ಶ್ರೀಕೃಷ್ಣಾಯ ನಮಃ

ಆರತಿ ಬೆಳಗೋಣ  ಮುತ್ತಿನಾರತಿ  ಮಾಡೋಣ l

ಭಗವದ್ಗೀತೆಯು ಜನಿಸಿದ ದಿನದಿ ಆರತಿ ಬೆಳಗೋಣ ll

ಚಿನ್ನದಾರತಿ ಮಾಡೋಣ llಪll

ಮಹಾಭಾರತದ ಸಾರವೆನಿಸಿದ ಗೀತೆಗೆ ಆರತಿಯ l 

ಭಗವದ್ಗೀತೆಗೆ ಆರತಿಯ 

ಹಾಡುತ ಪಾಡುತ ನಲಿಯುತ ಭಕುತಿಲಿ ರನ್ನದ ಆರತಿಯ ll

ಬೇಡುತ ಚೆಂದದ ಆರತಿಯ ll1ll

ಲೋಕದಿ ಶಿಕ್ಷಣ ರೀತಿಯ ತೋರಿದ ಕೃಷ್ಣಗೆ ಆರತಿಯ l 

ಉಡುಪಿ ಕೃಷ್ಣಗೆ ಆರತಿಯ 

ಲೋಕ ಜ್ಞಾನವ ಜಗಕೆ ನೀಡಿದ  ಗೀತೆಗೆ ಆರತಿಯ ll

ಗೀತಾ-ಕೃಷ್ಣಗೆ ಆರತಿಯ ll2ll

ವಿಶ್ವರೂಪವ ತೋರಿಹ ವಿಶ್ವರೂಪಿಗೆ ಆರತಿಯ l ವಿಶ್ವರೂಪಿಗೆ ಆರತಿಯ

ವೇದಸಾರವುಪದೇಶಿಸಿದ ವೇದಮೂರುತಿಗಾರತಿಯ ll

ಪಾರ್ಥಸಾರಥಿಗಾರತಿಯ ll3ll

ಭಗವದ್ಗೀತೆಯ ಕಲಿಯುತ ನಾವು ಜೀವನ ಕಟ್ಟೋಣ l 

ನಾವು ಜೀವನ ಕಟ್ಟೋಣ 

ಭಾರತ ದೇಶದ ಮಕ್ಕಳು ಎಂದು ವಿಶ್ವಕೆ ಸಾರೋಣ ll 

ಮಾದರಿಯಾಗುತ ಬೆಳೆಯೋಣ ll4ll

ಮಂಗಳ ದಿನದಲಿ ಮಂಗಳೆ ಗೀತೆಗೆ ಸುಗುಣೇಂದ್ರಸುಶ್ರೀಂದ್ರಸುಪ್ರಿಯ ಸುಪೂರ್ಣಪ್ರಮತಿಯ

ಮಂಗಳಮಯನ ಚರಣಕ್ಕೆರಗುತ ಸುಗುಣವ ಪಾಡೋಣ ಮನದಲಿ ಗೀತೆಯ ನಿಲಿಸೋಣ ll5ll

***