ರಾಗ : ಕಾಂಬೋಧಿ ತಾಳ : ಝ೦ಪೆ
ವಂದಿಸುವೆ ವರ ಬೇಡಿ ।
ವಂದೆ ಮನದಿ ।
ನಂದ ನಂದನ ನಂಘ್ರಿ -
ನರ್ಚಿಸುವ ಪಾತ್ರರಿಗೆ ।। ಪಲ್ಲವಿ ।।
ಮಂದ ಮತಿಗನಾಗಿ ।
ಮುಂದೆ ಗಾಣದಲೇ । ಪು ।
ರಂದರಾದ್ಯ ವ್ಯಾಸ
ವಾದಿರಾಜ ।।
ವೃಂದಾಂಶಿ ಅಂಶದಲಿ ।
ಹೊಂದಿ ಬಾಳುವರೆನಗೆ ।
ನಂದದಲಿ ವೈಕುಂಠ -
ಮಹಿಮೆ ತಿಳಿಸು-
ವರೆಂದು ।। ಚರಣ ।।
ವಿಜಯ ಗೋಪಾಲ ಗುರು -
ವೇಣು ಜಗನ್ನಾಥ ।
ನಿಜದಾಸರಂತರ್ಯಾಮಿ ಸ್ವಾಮಿ ।
ಅಜನ ಮತದೊಳಗೆ ಆನಂದ -
ಬಡುವಾ ಲೋಕ ।
ವೃಜನ ತಿಳಿಸುವದೆಂದು -
ರಾಗದಿಂದಲಿ ಬಂದು ।। ಚರಣ ।।
ಬ್ರಹ್ಮ ವಾಯು ವಾಣಿ -
ಭಾರತಿ ಮೊದಲಾದ ।
ಸುಮ್ಮನಸರ ಪಾದ -
ಕಿಮ್ಮಹಿಯೊಳು ।।
ಘಮ್ಮನೆ ಯರಗಿ -
ಜನಾರ್ದನ ವಿಠ್ಠಲನ್ನ ।
ಅಮ್ಮಹಿಮೆ ನಿರ್ವಿಘ್ನದಿಂದ
ತಿಳಿಸುವದೆಂದು ।। ಚರಣ ।।
***
