ಪರಮ ಸುಂದರ ಚರಣಾ ವೆಂಕಟರಮಣಾ ankita gurushamasundara

 ರಾಗ - : ತಾಳ -

ಪರಮ ಸುಂದರ ಚರಣಾ ವೆಂಕಟರಮಣಾ ll ಪ ll

ಸಾರಿದೆನೋ ನಿನ್ನ ಚರಣ ಕಮಲಕೀಗ l

ಬೇರೇನು ಬಯಸೆನೋ ಕರುಣವ ತೋರೀಗ ll ಅ ಪ ll

ನಿರುತ ಸಿರಿಯು ತನ್ನ ಉದರದಲ್ಲಿಟ್ಟ ಚರಣ l

ಮರುತಾತ್ಮ ತಾ ನಿತ್ಯ ಪೂಜಿಪ ಚರಣ l

ಸರುವ ದೇವತೆಗಳು ಧ್ಯಾನಿಸುವ ಚರಣ l

ಮರೆಯದೆ ನೀಯನಗೆ ತೋರೈ ನಿನ್ನಯ ಚರಣ ll 1 ll

ಕುವರಿಯ ಶಾಪದಿಂ ಬಿಡಿಸಿದ ಚರಣ l

ಮಾವ ಕಂಸನನ್ನು ಕೆಡಹಿದ ಚರಣ l

ಗೋವನೆಲ್ಲವನು ಕಾಯ್ದ ಸಿರಿ ಚರಣ l

ಸಾವಧಾನದಿಯನ್ನ ಮನದಿ ನಿಲ್ಲಿಸೋ ಚರಣ ll 2 ll

ಕರಿರಾಜ ಗೊಲಿದಿಂದ ಕಾರುಣ್ಯ ನಿಧಿ ಚರಣ l

ವರಸತಿ ದ್ರೌಪತಿಯ ಕಾಯ್ದ ಶ್ರೀಚರಣ l

ಪುರಂದರದಾಸರ ಭಕ್ತಿಗೊಲಿದ ಚರಣ l

ಗುರುಶಾಮಸುಂದರ ತೋರೊ ನಿನ್ನಯ ಚರಣ ll 3 ll

***