ಬಾದಾಮಿಯ ಬನಶಂಕರಿ ದೇವಿ
ಸಿಂಹವಾಹನನಾಗಿ ನಿಂತಳೆ ಪಾರ್ವತಿಯು
ಬಾದಾಮಿ ಕ್ಷೇತ್ರದಿ ಬನಶಂಕರಿಯಾಗಿ||ಪಲ್ಲ||
ಬಾಗಲಕೋಟೆಯ ಬಳಿ ಬಾದಾಮಿ ಕ್ಷೇತ್ರದಿ
ನೆಲಸಿದ ಳು ತಾನು ಬನಶಂಕರಿ ಆಗಿ
ಮಳೆ ಬರದೆ ಬೆಳೆ ಇರದೆ ಕ್ಷಾಮ ಬಂದಿರಲು
ಬೇಡ ಬಂದರು ಪುರದ ಜನರು||೧||
ಯಜ್ಞ ಯಾಗಾದಿಗಳು ನಿಂತು ಹೋಗಿರಲು
ಬದುಕು ಕಷ್ಟವಾಗಿ ಜನ ಬಳಲುತಲಿರಲು
ಜಲನೀಡಿ ಕಾಪಾಡೆಂದು ದೇವಿಯ ಬೇಡಲು
ಪ್ರಸನ್ನಳದ ದೇವಿ ಮಳೆಯನ ಸುರಿಸೆ||೨||
ಭೂದೇವಿಗೆ ನೀರಿನ ದಾಹ ತೀರಿಸೆ
ತನುವಿನ ಶಾಖದಿ ತರಕಾರಿ ಸೃಷ್ಟಿಸಿ
ಶಾಕಾಂಬರಿಯೆಂದು ಪ್ರಸಿಧ್ಧ ಹೆಸರು ಪೊಂದಿ
ವಿಜೃಂಭಿಸಿದಳು ಬಾದಿಮಿಯಲ್ಲಿ||೩||
ಹರಿದ್ರ ತೀರ್ಥವು, ತೈಲತೀರ್ಥವು
ಪದ್ಮತೀರ್ಥ ಮತ್ತು ಕ್ಷಮತೀರ್ಥ ವೆಂದು
ಅನೇಕ ತೀರ್ಥಗಳು ಸೃಷ್ಟಿಯಾಗಿ
ಹಚ್ಚ ಹಸುರಿಂದ ಕಂಗೊಳಿಸದವು||೪||
ಬನ ಶಂಕರಿ ಜಾತ್ರೆ ಪುಷ್ಯ ಮಾಸದ ಪೌರ್ಣಮಿ
ಅದ್ದೂರಿಯಿಂದ ಜರುಗುವುದು
108 ಬಗೆ ತರಕಾರಿಗಳ ಖಾದ್ಯ ಮಾಡಿ
ದೇವಿಗೆ ಅರ್ಪಿಸಿ ನಮಿಸುವರು||೫||
ವಿರಾಜಮಾನಳಾಗಿರುವ ಪಾರ್ವತಿ ದೇವಿಗೆ
ಶರಣು ಹೋದರೆ ಕಷ್ಟಗಳು ತೀರುವವು
ಕರ್ನಾಟಕ ಮಹರಾಷ್ಟ್ರ ಮುಂತಾದ ಕಡೆಯಿಂದ
ಭಕ್ತಿಯಿಂದ ಜನರು ಬಂದು ಸೇರುವರು ||೬||
ಸುಂದರವಾದ ಕೋಟೆ, ತುಂಬಿ ಹರಿವ ಕಲ್ಯಾಣಿ
ಚಾಳುಕ್ಯರ ಕಾಲದ ಶಿಲ್ಪ ಕಲಾಕೃತಿಗಳು
ತೆಂಗು ಬಾಳೆಯದೆಲೆ ವೀಳೆದೆಲೆಯ ತೋಟಗಳು
ಮಧ್ವೇಶಕೃಷ್ಣ ನ ದಯದಿ ಕಂಗೊಳಿಸುವವು||೭||
*******
