ನಮಿಸುವೆ ಗುರುವೆ ನಿನಗೆ ನಮಿಸುವೆ ankita tandepurandara vittala

  ankita tandepurandara vittala

ರಾಗ: ಶಂಕರಾಭರಣ ತಾಳ: ಆದಿ/ಛಾಪು/ಅಟ

ನಮಿಸುವೆ ಗುರುವೆ ನಿನಗೆ ನಮಿಸುವೆ ಪ

ನಮಿಸುವೆ ಗುರು ರಾಘವೇಂದ್ರ ಎನ್ನ

ಕ್ಷಮಿಸಬೇಕಯ್ಯ ನೀನೀಗ ಅಹಂ-

ಮಮತೆ ಹಿಂಗದು ಸಮಚಿತ್ತ ಬರದು

ವಿಮಲಜ್ಞಾನ ಹೇ ಕರುಣಿಸಬೇಕಯ್ಯ ಅ.ಪ

ತುಂಗಾತೀರದಲಿವಾಸ ಬಹು

ಮಂಗಳವಯ್ಯ ಪ್ರದೇಶ ನಮ್ಮ

ರಂಗನದಾಸ ವಿಶೇಷ ನಿನ್ನ

ಸಂಗಡ ಮಾಡೋರುವಾಸ ||ಆಹ||

ಕಂಗೆಟ್ಟು ನಿನ್ನಲಿ ಬರುವ ಭಕುತರಿಗೆ

ತುಂಗಸಂಕಟ ಕಳೆದು ಮಂಗಳ ನೀಡುವ 1

ಕರೆದಾಗಲೆ ನೀನು ಬರುವಿ ಬಿರುದು

ಕರುಣನೆಂದು ಧರಿಸಿರುವಿ ನಿನ್ನ

ಚರಣಶರಣರನು ಪೊರೆವಿ ಬಂದು

ಧರೆಯೊಳು ಅಲ್ಲಲ್ಲೆ ಇರುವಿ ||ಆಹ||

ವರಜಟೆಗಳಪೊತ್ತು ಬದರಿಯ ಮನೆಮಾಡಿ

ನಿರುತವು ಶೋಭಿಪ ಗರುಡವಾಹನದಾಸ 2

ಮಧ್ವಮತವೆಂಬಅಭ್ಧಿಯಲ್ಲಿ

ಉದ್ಭವಿಸಿದ ದಿವ್ಯಜ್ಯೋತಿ ಶುದ್ಧ

ಸತ್ತ್ವ ಗುಣಗಳ ರಾಶಿ ಪರ-

ತತ್ತ್ವ ವಿಷಯ ಉಪದೇಶಿ ||ಆಹ||

ಅದ್ಭುತಚರಿತನೆ ಆಪಾರಮಹಿಮನೆ

ವಿಶ್ವನಾಮಕ ತಂದೆಪುರಂದರವಿಠಲನದಾಸ 3

***