ರಾಗ – : ತಾಳ -
ನಮಿಸು ಮನವೆ ನೃಹರಿ ರೂಪವಾ l
ರೋಗ ಹರಣನಾ ll ಪ ll
ಅಮಿತ ಮಹಿಮ ದಾನವ ಹರಣ l
ಸುರಪ ಪಾಲಕನಾ ll ಅ ಪ ll
ಸಕಲ ಸುರರ ದನುಜ ಬಾಧಿಸೆ l ಹರಿಗೆ ಮೊರೆಯಿಡೇ
ಆಕಳಂಕ ಮಹಿಮ ಅಭಯವಿತ್ತು l ಅವರ ಕಳುಹಿದಾ ll 1 ll
ಹಿರಣ್ಯಕಶಿಪುನುದರದಲ್ಲಿ l ಭಕುತ ಜನಿಸಲೂ
ಶರಣ್ಯ ಶ್ರೀಹರಿಯ ತುತಿಸಿ l ಸುರರು ಪಾಡಿದರೂ ll 2 ll
ಪಿತನು ತನ್ನ ಸುತನ ಬಾಧಿಸೆ l ಹರಿಯ ಚರಣವಾ
ಸತತ ನಮಿಸಿ ಭಜಿಸಿ ಭರದಿ l ಕಂಬದಿ ಕರೆದನೂ ll 3 ll
ಭೃತ್ಯನ್ವೊಚನ ಸತ್ಯ ಮಾಡೆ l ಸ್ತಂಭವ ಸೀಳುತಾ
ವ್ಯತ್ಯಸ್ತವಾಗೆ ಸಕಲರ ಹೃದಯ l ಘಡ ಘಡೀಸುತಾ ll 4 ll
ದೈತ್ಯನುದರ ಬಗೆದು ಕರುಳ l ಮಾಲೆ ಧರಿಸುತಾ
ನೃತ್ಯವಾಡಿ ತನ್ನ ಪ್ರಳಯ ರೂಪವಾ ತೋರಿದಾ ll 5 ll
ಅಕ್ಷರಜ್ಞೆ ಲಕುಮಿ ದೇವಿ l ಪಕ್ಷಿವಾಹನನಾ
ಲಕ್ಷಣ ವೀಕ್ಷಿಸಿ ಕುಕ್ಷಿಯ ಬಿಡುತ l ವತ್ಸನ ನೂಕಿದಳು ll 6 ll
ಮುದದಿ ಅವನ ತೊಡೆಯೊಳಿಟ್ಟು l ಮೋದ ಪಡಿಸುತಾ
ಸದಯದಿಂದ ಗೈದ ಅವನ l ಭಕ್ತ ಶ್ರೇಷ್ಠನಾ ll 7 ll
ಭಕುತಾ ಜನರ ಭೀಷ್ಟವೀವ l ಅಕುಟಿಲಾತ್ಮನೂ
ಪ್ರಕಟ ಕರಿಗಿರೀಯ ಹರಿಯು l ರುಕುಮಿಣೀ ಪತಿ ll 8 ll
ಪುರುಹುತನೂ ಪ್ರಹ್ಲಾದವರದ l ತೋರೊ ತವ ರೂಪಾ l
ಗುರುಗೋವಿಂದವಿಟ್ಠಲ ಭಜಿಪೆ l ಹರಿಸೊ ಭವ ಕೂಪಾ ll 9 ll
***
