RSS song
ಭರತ ದೇಶದಿ ಮರಳಿ ನಡೆಯಲಿ ಶೌರ್ಯ ಸಾಹಸದರ್ಚನೆ
ಹೆಮ್ಮೆ ಸಾರುತ ಚಿಮ್ಮಿ ಹೊಮ್ಮಲಿ ಸಿಂಹ ವಿಕ್ರಮ ಘರ್ಜನೆ || ಪ ||
ಪರಮ ಪುರುಷನ ರಾಮಚಂದ್ರನ ಸೂರ್ಯಕುಲ ಸಂತಾನರೆ
ಶುದ್ಧ ರಕ್ತದ ಕ್ಷಾತ್ರ ತೇಜದ ಧೀರ ಪೌರುಷವಂತರೆ
ಶೂರ ವೀರನು ಪೌರವಾರ್ಯನು ಶಕ್ತಿ ಬಿತ್ತಿಹ ನೆಲವಿದು
ಪುರುಷ ಸಿಂಹನು ಪೃಥ್ವಿರಾಜನು ನೆತ್ತರಿತ್ತಿಹ ನಾಡಿದು || ೧ ||
ಮಾನಕಾಗಿಯೇ ಬಾಳಿ ಬದುಕಿದ ಜಾತಿವಂತರ ತೌರಿದು
ಮಾತಿಗಾಗಿಯೆ ಬಲಿಯ ನೀಡಿದ ನೀತಿವಂತರ ನೆಲೆಯಿದು
ತುಂಡು ಭೂಮಿಗೆ ಕೋಡಿ ನೆತ್ತರ ಹರಿಸಿದೊಡೆಯರ ಬೀಡಿದು
ಮಣ್ಣಿಗಾಗಿಯೇ ಮಣ್ಣುಗೂಡಿದ ತ್ಯಾಗಿ ಮಕ್ಕಳ ಮನೆಯಿದು || ೨ ||
ದವಸ ಧಾನ್ಯದಿ ನೀರು ನೆಲದಲಿ ಕೆಚ್ಚಿನಚ್ಚರಿ ತುಂಬಿದೆ
ದೇಶವಿದರೊಳು ಗಾಳಿ ಬೆಳಕೊಳು ಸಚ್ಚರಿತೆ ಬೇರೂರಿದೆ
ಇಲ್ಲಿ ಜನಿಸಿದ ಹುಲ್ಲೆ ಹಸುಗಳು ಹುಲಿಯ ಹೆದರಿಸ ಬಲ್ಲವು
ಜನರನೆದುರಿಸೆ ಬೆದರದಿರುವುದೆ ತುಂಬಿದೀ ಜಗವೆಲ್ಲವು || ೩ ||
ಒಂದೇ ಮಾತೆಯ ಹಿಂದು ಮಕ್ಕಳು ಬಂಧು ಭಾವವ ಹೊಂದಿರೆ
ದಾಸ್ಯದೊಡಲೊಳು ಮೇಲಕೆದ್ದಿರಲು ಅರುಣಕಾಂತಿಯ ಹೊಂದಿರೆ
ಏಳಿರೇಳಿರಿ ಸಹಜ ರೂಪದ ಶೌರ್ಯದುರಿ ಮೈ ತಾಳಿರಿ
ವಿಶ್ವದೊಡೆಯರದಾರು ಎನ್ನುವ ಪ್ರಶ್ನೆಗುತ್ತರ ಹೇಳಿರಿ || ೪ ||
***
