ಪಾಲಿಸೋ ಶ್ರೀ ಗುರುರಾಯಾ ankita gurujagannatha vittala

 ..

ಪಾಲಿಸೋ ಶ್ರೀ ಗುರುರಾಯಾ ಪ

ಪಾಲಿಸೋ ಪಾವನ್ನ ಕಾಯ - ಭವ

ಜಾಲ ತಪ್ಪಿಸೊ ಮಹರಾಯ - ಆಹಾ

ಪಾಲಗು ಜನರ ಸು - ಪಾಲಕ ಹರಿಪಾದ

ಲೋಲ ಶ್ರೀಕರ ಭವ - ತೂಲಕಾನಲನೆ ಅ.ಪ

ಶೇಷಾಂಶ ಪ್ರಹ್ಲಾದ ವ್ಯಾಸಾ - ಮುನಿ

ವೇಷ ತಾಳಿದೆಯೊ ಯತೀಶಾ - ಜಾಗು

ಪೋಷಣೆ ಗೈಯ್ಯೊ ಮನೀಷಾ - ಎನ್ನಾ -

ಶೇಷ ಕ್ಲೇಶವಳಿದೀಶಾ - ಆಹಾ

ಶೋಷದ ಭವ ನಿ -

ಸ್ಸೇಷ ಮಾಡಿ ಎನ್ನ

ಪೋಷಿಸೊ ನಿರುತ ಧೃ -

ತಾಷಾಢ ಗುರುವರ 1

ಕಾಮಧೇನು ಕಲ್ಪವೃಕ್ಷಾ - ನಿನ್ನ

ಈ ಮಹಮಹಿಮೆ ನಿರೀಕ್ಷಾ - ಮಾಡಿ

ಈ ಮಹಿ ಯಾಕೆಂದುಪೇಕ್ಷಾ - ಮಾಡಿ

ಧಾಮ ಸೇರಿದವೊ ಭಕ್ತಪಕ್ಷಾ - ಆಹಾ

ಸಾಮಜನಾಥನ

ಪ್ರೇಮ ಪಾತ್ರನೆ ನಿನ್ನ

ಈ ಮಹ ಮಹಿಮೆಗೆ

ನಾಮಾಳ್ಪೆ ನಮೊ ನಮೊ 2

ಆಸೇತು ಹಿಮಾದ್ರಿ ತನಕಾ - ನಿನ್ನ

ಆಸೆಯ ಮಾಳ್ಪರನೇಕಾ - ಅಂಥ

ದಾಸಜನರಿಗೆ ಅನೇಕಾ - ಫಲ

ರಾಶಿಯ ಕೊಡುವಿ ಮಜ್ಜನಕಾ - ಆಹಾ

ಹೇಸಿ ಮಾನವ ಜನ್ಮ

ಈಸೆ ಸಾಕೆಲೊ ಸ್ವಾಮಿ

ಎಸು ಪೇಳಲಿ ನಿನ್ನ

ದಾಸರ ದಾಸನೋ 3

ಎಲ್ಲಿ ಪೋದರು ಕಾಯ್ವರಿಲ್ಲ - ಜಗ -

ದ್ವಲ್ಲಭ ಬಲ್ಲಿ ನಿನೆಲ್ಲಾ - ಬಹು

ಬಲ್ಲಿದನೆಂಬುವರೆಲ್ಲಾ - ಜನ

ಸೊಲ್ಲು ಕೇಳಿಬಂದೆನಲ್ಲಾ - ಆಹಾ

ಪುಲ್ಲಲೋಚನ ನೀ -

ನಲ್ಲದೆ ಎನ ಭವ

ಣೆಲ್ಲ ಮಾತ್ರವು ಕಳೆಯೊ -

ರಿಲ್ಲವೊ ಎನ್ನಜೀಯಾ 4

ನಾಥ ನಿನ್ನೊಳು ಜಗಕೆಲ್ಲ - ಮಹ

ಪ್ರೀತಿಯು ಇರುತಿಹುದಲ್ಲ - ಸದ -

ತಾತ ನೀನಾಗಿ ಜಗಕೆಲ್ಲಾ - ಮತ್ತೆ

ಪೂತ ಫಲ ಕೊಡುವಿಯಲ್ಲಾ - ಆಹಾ

ವಾತದೇವನ ಸಹ - ದಾತ ಗುರುಜಗ -

ನ್ನಾಥವಿಠಲ ಸದಾ ಪ್ರೀತಿಂದ ಇರುವೊನು5

***