ಪಾಲಿಸೋ ದಾಸರಾಯ ಗುರುವೆ ನೀ ಪಾಲಿಸೋ ಗುರುವೆ ankita uragadrivasa vittala

ಪಾಲಿಸೋ ದಾಸರಾಯ ಗುರುವೆ ನೀ

ಪಾಲಿಸೋ ಗುರುವೆ ಪ

ಪಾಲಿಸು ನಾಗರಾಯಾಖ್ಯ ದಾಸ

ಶೀಲವರ್ಯನೆ ನೀ ಮುಖ್ಯ ||ಅಹಾ||

ಶ್ರೀಲೋಲನ ಗುಣ ಲೀಲಾಜಾಲದಿ ಆ

ಬಾಲವೃದ್ಧÀ್ದರಿಗರುಹಿ ಮೆರೆದ ಗುರು ಅ.ಪ

ಬಂದೆ ದಯಾಂಬುಧೆ ಎನ್ನ ಮನದ

ಕುಂದು ಕೊರತೆಗಳನ್ನ ಇನ್ನು

ಬಂದ ಸಂಶಯಗಳನ್ನ ಹರಿಸಿ

ಇಂದು ತೋರಿದೆ ನಂದವನ್ನ ||ಅಹಾ||

ತಂದೆ ಮುದ್ದುಮೋಹನ್ನವಿಠ್ಠಲನ್ನ ಹೃದಯಾರ

ವಿಂದದಿ ಮುದದಿ ನೋಡುವ ಗುರು 1

ಮಾರ್ಗ ಮಾರ್ಗವನೆ ಚರಿಸುತ್ತಾ ದು

ರ್ಮಾರ್ಗರ ಎದೆ ಗೆಡಿಸುತ್ತಾ ಸ

ನ್ಮಾರ್ಗಕ್ಕೆ ನೀನವರ ತರುತ್ತಾ ಸಾರ್ದೆ

ದುರ್ಗದೊಳ್ ನೀ ಚರಿಸುತ್ತಾ ||ಅಹಾ||

ದುರ್ಗಮರಾದ ದುರಾಗ್ರಹ ನಿಗ್ರಹ

ಭೋರ್ಗರೆದು ಸುಖ ಸಂಸರ್ಗವ ತೋರ್ದ ಗುರು 2

ಪರಮ ಕರುಣದಿ ಇಂದೆನ್ನಾ

ಪೊರೆದೆ ಶ್ರೀ ವೆಂಕಟೇಶಾಭಿನ್ನಾ

ಉರಗಾದ್ರಿವಾಸವಿಠ್ಠಲಾಖ್ಯನ್ನಾ

ತೋರಿಕೊಟ್ಟೆ ನೀನಂಕಿತವನ್ನಾ ||ಅಹಾ||

ಗುರು ನಿನ್ನ ಕರುಣಕ್ಕೆಣೆಯುಂಟೆ ಧರೆಯೊಳು

ಉರಗಾದ್ರಿವಾಸವಿಠ್ಠಲನ ನಿಜದಾಸ 3

****