ಅವರೇ ಕಾಯ ಬೇಕು ಕಾಲದಿ ಅವರೇ ಕಾಯ ಬೇಕು ankita gururama vittala AVARE KAAYA BEKU KAALADI AVARE KAAYA BEKU

by ಬಾಗೇಪಲ್ಲಿ ಸುಬ್ರಹ್ಮಣ್ಯದಾಸರು
ಅವರೇ ಕಾಯ ಬೇಕು ಕಾಲದಿ
ಅವರೇ ಕಾಯ ಬೇಕು ||ಪ||

ಅವರೆ ಬಹುರುಚಿಯವರೆ ಸಂಪದ
ಅವರಿಂದಲಿ ಮೋಕ್ಷಾದಿ ಸಾಧನವು ||ಅ||

ಯುಕ್ತರಾಗಿ ಇರುವ ಜನರಿಗೆ
ಭುಕ್ತಿಯನು ಕೊಡುವ
ಭಕ್ತರಿಗೆಲ್ಲಾ ಬಾಯ್ಸವಿಯಾದ
ಸಕ್ತಿಪುಟ್ಟಿಸುವ ಸರ್ವೋತ್ತಮವಾದ ||೧||

ಇವರೆಲ್ಲ ಅಳೆದು ಬಿತ್ತಿ
ವಿವರವಾಗಿ ಅಳೆದು
ತವಕದಿ ಮೂಟೆಯ ಕಟ್ಟಿಟ್ಟಿದ್ದರೆ
ಜವನವರೆಳೆಯುವ ಕಾಲಕ್ಕೊದಗುತ ||೨||

ಹಿತರಾಗಿ ಅವರೆ ಮಾತಾ-
ಪಿತರಾಗೀ ಅವರೆ
ಗತಿದಾಯಕರಾಗಿ ಅವರೆ ಭೂ-
ಸುತೆ ಗುರುರಾಮವಿಠಲರೀರ್ವರು ||೩||
***